Amazon: అమెజాన్లో కొత్తగా ‘యాడ్ టు డెలివరీ’ ఫీచర్.. దీని ప్రయోజనం ఏంటో తెలుసా?
Amazon: అమెజాన్ ప్రపంచంలోనే అతిపెద్ద ఈ-కామర్స్ కంపెనీ . ప్రపంచవ్యాప్తంగా దాని సేవలు అందుబాటులో ఉండటంతో లక్షలాది మంది దీనిని ఉపయోగిస్తున్నారు. ఈ సందర్భంలోనే అమెజాన్ “యాడ్ టు డెలివరీ” ఫీచర్ను ప్రవేశపెట్టింది. ఈ ఫీచర్ని ఉపయోగించి, వినియోగదారులు చివరి నిమిషంలో కూడా..
Updated on: Oct 05, 2025 | 5:38 PM
Amazon: ప్రపంచవ్యాప్తంగా లక్షలాది మంది ఆన్లైన్లో వివిధ వస్తువులను ఆర్డర్ చేస్తుంటారు. ఆన్లైన్ షాపింగ్ కోసం అమెజాన్, ఫ్లిప్కార్ట్ యాప్లను ఉపయోగిస్తున్నారు. వారి అవసరాల కోసం ఉత్పత్తులను కొనుగోలు చేయడానికి అమెజాన్ యాప్ను పెద్ద సంఖ్యలో ప్రజలు ఉపయోగిస్తున్నందున కంపెనీ వినియోగదారుల కోసం ఒక గొప్ప ఫీచర్ను ప్రవేశపెట్టింది.
అమెజాన్ కొత్త ఫీచర్:
అమెజాన్ ప్రపంచంలోనే అతిపెద్ద ఈ-కామర్స్ కంపెనీ . ప్రపంచవ్యాప్తంగా దాని సేవలు అందుబాటులో ఉండటంతో లక్షలాది మంది దీనిని ఉపయోగిస్తున్నారు. ఈ సందర్భంలోనే అమెజాన్ “యాడ్ టు డెలివరీ” ఫీచర్ను ప్రవేశపెట్టింది. ఈ ఫీచర్ని ఉపయోగించి, వినియోగదారులు చివరి నిమిషంలో కూడా కార్ట్కు వస్తువులను జోడించవచ్చని చెబుతున్నారు.
“యాడ్ టు డెలివరీ” ఫీచర్ ప్రయోజనాలు ఏమిటి?
చాలా మంది తమకు అవసరమైన వస్తువులను ఆర్డర్ చేయడానికి అమెజాన్ యాప్ను ఉపయోగిస్తారు. కొంతమంది వస్తువులను ఆర్డర్ చేసిన తర్వాత వారు మరొక వస్తువును జోడించాల్సిన అవసరం ఉందని భావిస్తారు. అయితే, అలా చేయడం ద్వారా వారు దానిని ప్రత్యేక ఆర్డర్లుగా చేయాల్సి ఉంటుంది. ముందు ఆర్డర్ చేసిన వస్తువులకు కొత్తగా ఆర్డర్ చేయాల్సి వస్తే కొత్త ఆర్డర్ చేయాల్సి ఉంటుంది. ఇప్పుడు కొత్త ఫీచర్తో ఎంతో ప్రయోజనం చేకూరనుంది.
ఆర్డర్ చేసిన తర్వాత కూడా మీరు వస్తువులను జోడించవచ్చు.
ఈ ఫీచర్ని ఉపయోగించి మీరు ఒక వస్తువును ఆర్డర్ చేసిన తర్వాత మరో వస్తువును ఆర్డర్ చేయాలంటే.. ముందు చేసిన ఆర్డర్కు యాడ్ చేయవచ్చు. అంటే మీరు ఇప్పటికే సేకరించి మీ కార్ట్లో ఆర్డర్ చేసిన వస్తువులతో పాటు ఏదైనా ఇతర వస్తువు అవసరమైతే మీరు దానిని కలిపి ఆర్డర్ చేయవచ్చు. కానీ మీరు ఇప్పటికే ఆర్డర్ చేసిన వస్తువు అది డెలివరీ కాకపోతేనే మరో వస్తువును జోడించి ఆర్డర్ చేయవచ్చని గుర్తించుకోండి. మీరు ఏదైనా ఆర్డర్ చేసిన తర్వాత కూడా అదే ఆర్డర్కు మరో ప్రోడక్ట్ను యాడ్ చేయవచ్చు. అప్పుడు ఒకేసారి ఆర్డర్ పెట్టినట్లు ఉంటుంది. సేమ్ టైమ్ లో మీకు డెలివరీ అవుతుంది.
ఇది కూడా చదవండి: Google Chrome: జాగ్రత్తగా ఉండండి.. గూగుల్ క్రోమ్ వినియోగదారులను హెచ్చరించిన కేంద్రం!
మరిన్ని బిజినెస్ వార్తల కోసం ఇక్కడ క్లిక్ చేయండి
