సౌదీ అరేబియా సంచలన నిర్ణయం.. బిన్ లాడెన్ కుమారుడి పౌరసత్వం రద్దు

రియాద్ : సౌదీఅరేబియా ఒసామాబిన్ లాడెన్ కుమారుడు హంజాబిన్ లాడెన్ విషయంలో సంచలన నిర్ణయం తీసుకుంది. అంతర్జాతీయ ఉగ్రవాది హంజాబిన్ లాడెన్ పౌరసత్వాన్ని రద్దు చేస్తున్నట్లు సౌదీ అరేబియా విదేశాంగశాఖ మంత్రి ప్రకటించారు.

అంతర్జాతీయ ఉగ్రవాది ఒసామాబిన్ లాడెన్ కుమారుడు హంజా బిన్ లాడెన్ విషయంలో సౌదీ అరేబియా సంచలన నిర్ణయం తీసుకుంది. హంజాబిన్ లాడెన్ పౌరసత్వాన్ని రద్దు చేస్తున్నట్లు సౌదీ అరేబియా విదేశాంగ శాఖ మంత్రి ప్రకటించారు. అంతర్జాతీయ తీవ్రవాది ఒసామాబిన్ లాడెన్ కుమారుడు హంజా బిన్ లాడెన్ ను పట్టించినా, అతని ఆచూకీ చెప్పినా తాము మిలియన్ డాలర్లను బహుమతిగా ఇస్తామని యునైటెడ్ స్టేట్స్ డిప్లొమాటిక్ సెక్యూరిటీ అసిస్టెంట్ సెక్రటరీ మైఖైల్ ఇవనాఫ్ ప్రకటించింది. ఈ నేపథ్యంలో సౌదీ అరేబియా అతని పౌరసత్వాన్ని రద్దు చేసింది.

తన తండ్రిని చంపిన అమెరికా, దాని మిత్రదేశాలపై పగ తీర్చుకుంటామని హంజా బిన్ లాడెన్ గతంలో హెచ్చరికలు జారీ చేశాడు. అల్ ఖాయిదాలో హంజా లాడెన్ ప్రస్తుతం కీలక స్థానంలో ఉన్నాడు. 2017 జనవరిలో హంజాను అమెరికా అంతర్జాతీయ ఉగ్రవాదిగా ప్రకటించింది. అతడి ఆస్తులను బ్లాక్ చేసింది. హంజాబిన్ లాడెన్ సౌదీ అరేబియా సర్కారుకు వ్యతిరేకంగా సౌదీ తెగల కోసం పోరాడుతున్నారు. కాగా హంజా పాకిస్తాన్, అప్ఘనిస్తాన్, సిరియా దేశాల్లో సంచరిస్తున్నట్టు వార్తలు వస్తున్నాయి. దీంతో అతడి ఆచూకీ చెప్పినా, కచ్చితమైన సమాచారంతో పట్టించినా ఏడు కోట్ల రూపాయలు బహుమతిగా ఇవ్వనున్నట్టు అమెరికా ప్రకటించింది.

WANTED. Up to $1 million for information on Hamza bin Laden, an emerging al-Qa’ida leader. Hamza is son of Usama bin Laden and has threatened attacks against the United States and allies. Relocation possible. Submit a tip, get paid. https://t.co/LtBVhsrwTc #RFJ pic.twitter.com/gmx5hkoSzQ

— Rewards for Justice (@Rewards4Justice) February 28, 2019