Buddha Venkanna: పోలీస్ స్టేష‌న్ నుంచి విడుద‌లైన బుద్దా వెంక‌న్న‌.. విచార‌ణ‌పై అన్ని విష‌యాలు వెల్ల‌డిస్తానంటూ..

Buddha Venkanna: టీడీపీ నేత బుద్దా వెంక‌న్న‌ను సోమ‌వారం పోలీసులు అరెస్ట్ చేసిన విష‌యం తెలిసిందే. ఏపీ సీఎం జ‌గ‌న్ మోహ‌న్ రెడ్డి, మంత్రి కొడాలి నాని, డీజీపై వ్య‌తిరేకంగా ఘాటు వ్యాఖ్య‌లు చేశార‌న్నవైసీపీ నేత‌ల ఫిర్యాదుతో టీడీపీ నేత బుద్దా వెంక‌న్న‌ను..

Updated on: Jan 25, 2022 | 7:29 AM

Buddha Venkanna: టీడీపీ నేత బుద్దా వెంక‌న్న‌ను సోమ‌వారం పోలీసులు అరెస్ట్ చేసిన విష‌యం తెలిసిందే. ఏపీ సీఎం జ‌గ‌న్ మోహ‌న్ రెడ్డి, మంత్రి కొడాలి నాని, డీజీపై వ్య‌తిరేకంగా ఘాటు వ్యాఖ్య‌లు చేశార‌న్నవైసీపీ నేత‌ల ఫిర్యాదుతో టీడీపీ నేత బుద్దా వెంక‌న్న‌ను పోలీసులు అదుపులోకి తీసుకొని విచారించారు. ఈ నేప‌థ్యంలో సుమారు 6 గంట‌ల పాటు విచారించిన పోలీసులు బుద్దా వెంక‌న్న‌ను అర్థ‌రాత్రి విడుద‌ల చేశారు.

వ‌న్ టౌన్ పోలీస్ స్టేష‌న్ నుంచి స్టేష‌న్ బెయిల్‌పై బుద్దా వెంక‌న్న‌ను పోలీసులు విడుద‌ల చేశారు. ఆరు గంట‌ల పాటు స్టేష‌న్‌లో ఉన్న వెంకన్న అర్థ‌రాత్రి విడుద‌లయ్యారు. ముఖ్య‌మంత్రి, మంత్రి, డీజీపీపై ప‌లు అనుచిత వ్యాఖ్య‌లు చేశార‌న్న కార‌ణంతో ప‌లు సెక్ష‌న్ల కింద వెంక‌న్న‌ను సోమ‌వారం సాయంత్రం అరెస్ట్ చేసిన విష‌యం తెలిసిందే.

ఇదిలా ఉంటే స్టేష‌న్ నుంచి బ‌య‌ట‌కు వ‌చ్చిన సంద‌ర్భంగా వెంక‌న్న మాట్లాడుతూ.. కొడాలి నాని వ్యాఖ్యలు, పోలీసులు విచారణ పై మంగ‌ళ‌వారం (నేడు) అన్ని విషయాలు వెల్లడిస్తానని చెప్పుకొచ్చారు. ఇక సోమ‌వారం బుద్ద వెంక‌న్న తెలుగుదేశం పార్టీ అధినేత చంద్రబాబు నాయుడు ఇంటి గేటు తాకితే కొడాలి నాని శవాన్ని పంపుతామంటూ చేసిన వ్యాఖ్య‌లు తీవ్ర దుమారాన్నిలేపాయి.