తెలుగు రాష్ట్రాల ప్రయాణీకులకు గుడ్ న్యూస్.. పట్టాలెక్కనున్న ప్యాసింజర్ రైళ్లు.. పూర్తి వివరాలు!
తెలుగు రాష్ట్రాల ప్రయాణీకులకు గుడ్ న్యూస్. కరోనా కారణంగా రద్దయిన ప్యాసింజర్ రైళ్లు, డెమో రైళ్లు తిరిగి పట్టాలెక్కనున్నాయి. ఈ మేరకు..
తెలుగు రాష్ట్రాల ప్రయాణీకులకు గుడ్ న్యూస్. కరోనా కారణంగా రద్దయిన ప్యాసింజర్ రైళ్లు, డెమో రైళ్లు తిరిగి పట్టాలెక్కనున్నాయి. ఈ మేరకు దక్షిణ మధ్య రైల్వే కీలక ప్రకటన చేసింది. ఈ నెల 27, 28, 29వ తేదీల్లో తెలుగు రాష్ట్రాల్లో మొత్తం 23 రైళ్లను పునరుద్ధరించనున్నట్లు స్పష్టం చేసింది. ఇందులో 8 ప్యాసింజర్ రైళ్లు కాగా.. 15 డెమో రైళ్లు ఉన్నాయి. కాగా.. కరోనా పాజిటివ్ కేసులు విపరీతంగా పెరుగుతుండటంతో ఈ ఏడాది ప్రారంభంలో దక్షిణ మధ్య రైల్వే దాదాపు 55 ప్యాసింజర్ రైళ్ల రాకపోకలను రద్దు చేస్తున్నట్లు ప్రకటించింది. ఇక వాటిల్లో ప్రస్తుతం 23 రైళ్లను పునరుద్దరిస్తోంది. ఆ ట్రైన్స్ వివరాలు ఇలా ఉన్నాయి.
ఈ నెల 27, 28,29 తేదీల్లో పట్టాలెక్కనున్న ప్యాసింజర్ రైళ్లు ఇవే..
నడికుడి – మాచర్ల – నడికుడి(67279-80), గుంటూరు – తెనాలి – రేపల్లి(67209-10) ప్యాసింజర్ రైళ్లు ఈ నెల 28న పట్టాలెక్కనుండగా.. కాచిగూడ – మేడ్చల్ – కాచిగూడ(57307-08) మార్చి 27వ తేదీన, నరసాపురం – భీమవరం – నరసాపురం(17264-63) మార్చి 28న ప్రారంభం కానున్నాయి.
ఈ నెల 28, 29 తేదీల్లో పట్టాలెక్కనున్న డెమో రైళ్లు ఇవే..
- విజయవాడ – నరసాపురం(77203)
- భీమవరం జంక్షన్ – విజయవాడ(77206)
- గుడివాడ – మచిలీపట్నం(77211)
- మచిలీపట్నం – గుడివాడ(77220)
- భీమవరం – మచిలీపట్నం(77232)
- మచిలీపట్నం – గుడివాడ(77234)
- భీమవరం జంక్షన్ – నిడదవోలు(77237)
- నిడదవోలు – భీమవరం జంక్షన్(77240)
- నరసాపురం – నిడదవోలు(77241)
- నిడదవోలు – భీమవరం జంక్షన్(77242)
- నిడదవోలు – భీమవరం జంక్షన్(77244)
- మచిలీపట్నం – విజయవాడ(77262)
- మచిలీపట్నం – విజయవాడ(77270)
- విజయవాడ – మచిలీపట్నం(77207)
- విజయవాడ – భీమవరం జంక్షన్(77298)