Sepak Takraw: కూలీ బిడ్డలు గొప్ప క్రీడాకారులు..సెపక్ తక్రాలో జాతీయ, అంతర్జాతీయ స్థాయిలో రాణిసున్న క్రీడాకుసుమాలు

Sepak Takraw Players

చిన్న బడి. బడి ముందు చిన్న ఆట స్థలం. ఆ ఆట స్థలంలో ఆణిముత్యలుగా మెరిసిపోతున్నారు అక్కడి క్రీడాకారులు. ఆ క్రీడా ఏమిటి పల్లె నుంచి జాతీయ స్థాయిగా ఎదిగిన ఆ క్రీడాకారులు వివరాలు తెలుసుకోవాలంటే ఆలూరు నియోజకవర్గ పరిధిలోని పెద్ద హోతురు ప్రభుత్వ ఉన్నత పాఠశాలకు వెళ్ళాల్సిందే.. ఆలూరు మండలం పెద్దహోతురు గ్రామంలో ఉన్నత పాఠశాలో బాలబాలికల దాదాపు 200 మందికి పైగా ఉన్నారు. అక్కడ ఉన్న చిన్న ఆట స్థలంలో గతంలో పనిచేసిన వ్యాయమ ఉపాధ్యాయుడు (PET)చిన్నబాబు సెపక్ తక్రా క్రీడను ఆసక్తి ఉన్న విద్యార్థులకు పరిచయం చేసారు. 6 నుంచి 10 వ తరగతి చదువుతున్న బాలబాలికలకు ఆ క్రీడలో బాగా సాధన చేయించాడు. దాదాపు 20 మంది విద్యార్థులు క్రీడలో కొన్ని మెళకువలు నేర్పుతూ వారిని అన్ని రంగాల్లో రాణించేలా చేశాడు. వారిలో 10 మంది విద్యార్ధిని విద్యార్ధులను రాష్ట్ర స్థాయిలో వివిధ పథకాలను గెలిచేలా ముందుకు తీసుకొని వెళ్ళాడు. 8 మంది విద్యార్థులను అల్ ఇండియా విశ్వ విద్యాలయలో జరిగిన సెపక్ తక్రా క్రీడలో మొదటి స్థానంలో నిలిచారు. 8 మంది లో నలుగురు అమ్మాయిలు ఉండడడం విశేషం. నలుగురు అమ్మాయిలు 6వ తరగతి నుంచి 10వ తరగతి వరకు పెద్దహోతురు ఉన్నత పాఠశాలలో చదివారు. 6 నుంచి 10 చదివే సమయంలోనే జిల్లా స్థాయి నుండి జాతీయ, అంతర్జాతీయ స్థాయిలో విజయం సాధించారు. అంతర్జాతీయ స్థాయిలో రాణించిన వారిలో అపర్ణ, పావని, తులసి మరో అమ్మాయి ఉన్నారు. అబ్బాయిలలో అంతర్జాతీయ స్థాయిలో రాణించిన వారిలో వీరంజినేయులు, మల్లికార్జున, సతీష్ గౌడ్, రామంజి ఉన్నారు.

రాష్ట్ర స్థాయిలో పెద్దహోతురు పాఠశాలకు పేరు..

రాష్ట్ర స్థాయిలో పెద్దహోతురు పాఠశాలకు ప్రత్యేక పేరు ఉంది. జిల్లాస్థాయి నుంచి రాష్ట్ర స్థాయి జాతీయ, అంతర్జాతీయ స్థాయిలో పలు ప్రాంతాల్లో జరిగిన సెపక్ తక్రా క్రీడ పోటీలు జరిగాయి. ఆ పోటీల్లో పెద్దహోతురు క్రీడాకారుల అంటే ఎదురు లేని వారిగా ఇతర ప్రాంతాల క్రీడాకారులు చూడడం గర్వించదగ్గ విసయం.

కూలీ బిడ్డలు గొప్ప క్రీడాకారులు..

పెద్దహోతురు పాఠశాలో చదివిన పల్లవి, అపర్ణ, తులసి అనే అమ్మాయిల తల్లిదండ్రులు వ్యవసాయ కూలీలు. తమ పిల్లలు క్రీడల్లో రాణిస్తూ వివిధ పథకాలు సర్టిఫికేట్ లు పొందడంతో అమ్మాయిల తల్లిదండ్రులు సంతోషం వ్యక్తం చేస్తున్నారు. ప్రస్తుతం వీరంతా అదోని ఆర్ట్స్ అండ్ సైస్ కళాశాలలో డిగ్రీ చదువుతున్నారు. అల్ ఇండియా విశ్వ విద్యాలయాలలో జరుగుతున్న పోటీలలో పాల్గొంటూ తమ సత్తా చాటుతున్నారు..

చిచ్చర పిడుగులు..

ఎదుట జట్టు పై చిచ్చర పిడుగుల్లా రెచ్చిపోతు తమ జట్టును విజయం సాధించేలా చేస్తారు. పక్కా ప్రణాళికతో ఆటను ఆడి తమ జట్టు విజయానికి కృషి చేస్తున్నారు. వారే వీరు రామాంజనేయులు వీరంజి, నాగార్జున మల్లికార్జున.. వీరందరూ ఇటీవల రాజస్థాన్ లోని జైపూర్ లో జరిగిన జాతీయ స్థాయి పోటీల్లో పాల్గొన్నారు. అంతర్జాతీయ స్థాయి పోటీలకు ఎంపిక అయ్యారు..

వీరి తల్లిదండ్రులు చిన్న సన్న కారు రైతులు..

ప్రస్తుతం నలుగురు అబ్బాయిలు 6 నుంచి 10 వరకు పెద్దహోతురు లో చదివారు. వీరిలో నాగార్జున అన్నమయ్య యూనివర్సిటీ లో డిగ్రీ చదువుతున్నాడు. ముగ్గురు అబ్బాయిలు అదోని లో ఆర్ట్స్ అండ్ సైస్ కళాశాలలో డిగ్రీ చేస్తున్నారు. పోటీలు ఎక్కడ జరిగిన అక్కడికి వెళ్లి వివిధ రకాల పథకాలను సాధించడానికి కృషి చేస్తున్నారు.

మరిన్ని ఆంధ్రప్రదేశ్ వార్తల కోసం ఇక్కడ క్లిక్ చేయండి..