Breaking News
  • హైదరాబాద్‌: గురుకుల పాఠశాల ప్రిన్సిపాల్‌ దాష్టీకం. విద్యార్థిని నేలకేసి కొట్టిన ప్రిన్సిపాల్‌ సుబ్రహ్మణ్యం. ప్రిన్సిపాల్‌ను నిలదీసిన విద్యార్థి తల్లిదండ్రులు. మీకు దిక్కున్న చోట చెప్పుకోండని దురుసుప్రవర్తన. ప్రిన్సిపాల్‌ సుబ్రహ్మణం కులంపేరుతో దూషిస్తూ.. చితకబాదుతున్నాడని కన్నీళ్లు పెట్టుకున్న విద్యార్థులు.
  • ఢిల్లీ: కాళేశ్వరం ప్రాజెక్టుపై ఎన్జీటీలో విచారణ. విచారణకు హాజరుకాని తెలంగాణ పీసీబీ అధికారులు . తదుపరి విచారణ ఫిబ్రవరి 10కి వాయిదా . పర్యావరణ అనుమతుల విషయంలో పీసీబీ అధికారులు.. నిర్లక్ష్యంగా వ్యవహరించారన్న పిటిషనర్‌ హయాతుద్దీన్‌.
  • ఢిల్లీ: 2020-21 వార్షిక బడ్జెట్‌ ప్రతుల ముద్రణ ప్రారంభం. ఆర్థికశాఖ కార్యాలయం నార్త్‌బ్లాక్‌లో హల్వా వేడుక. బడ్జెట్‌ ప్రతుల ముద్రణ సందర్భంగా హల్వా వేడుక ఆనవాయితీ. హాజరైన కేంద్ర ఆర్థిక మంత్రి నిర్మలా సీతారామన్‌.. సహాయమంత్రి అనురాగ్‌ ఠాకూర్‌, ఆర్థికశాఖ కార్యదర్శులు.
  • ప.గో: ఒకే రాష్ట్రం.. ఒకే రాజధాని బీజేపీ నినాదం-మాణిక్యాలరావు. రాజధానికి భూములు ఇచ్చిన రైతుల గురించి టీడీపీ మాట్లాడుతోంది. ఐదు కోట్ల ఆంధ్రుల తరపున బీజేపీ-జనసేన పోరాడుతుంది. రాష్ట్రంలో జగన్ పాలన తుగ్లక్ పాలనను గుర్తుచేస్తోంది-మాణిక్యాలరావు.
  • సిద్దిపేట: గజ్వేల్‌లో మంత్రి హరీష్‌రావు ఎన్నికల ప్రచారం. ఈ ఎన్నికల్లో ఉత్తమ్‌ మాటలన్నీ ఉత్తర ప్రగల్బాలే అని తేలిపోనుంది. 2 వేల వార్డులు గెలుస్తామంటున్న బీజేపీకి.. గజ్వేల్‌లోని 20 వార్డుల్లో ఏ ఒక్క వార్డు గెలవలేరు-హరీష్‌రావు. 20 వార్డులను గెలిపించుకుంటే మరింత అభివృద్ధి-హరీష్‌రావు.

నోరు జారితే..సినిమా ఛాన్స్ మిస్సే!

, నోరు జారితే..సినిమా ఛాన్స్ మిస్సే!

కమెడియన్ పృథ్వీ..ఈ పేరు కంటే వైసీపీ నేత పృథ్వీ.. ఇలా చెబితేనే ప్రస్తుతం జనాలు గుర్తుపడతారేమో. ప్రస్తుతం వైసీపీలో అంత యాక్టివ్ రోల్ పోషిస్తున్నారు ఈ సినీ నటుడు. గత ఎన్నికల్లో పార్టీ తరుపున ప్రచారం చేసిన పృథ్వీ..ప్రత్యర్థి పార్టీలపై కాస్త ఘాటుగానే విమర్శలు చేసారు. ఈ క్రమంలో జనసేన పార్టీ, పవన్ కళ్యాణ్‌పై విరుచుకుపడ్డారు. ఇక అధికారంలోకి వచ్చాక సీనీ ఇండస్ట్రీకి జగన్ అవసరం లేదా అంటూ విమర్శలు ఎక్కుపెట్టారు. ఇదే సమయంలో మెగాస్టార్ చిరంజీవిపై కూడా నోరు పారేసుకున్నారు.

ఐతే పవన్, చిరంజీవిలపై అనుచిత వ్యాఖ్యలు చేసినందుకు మెగా ఫ్యామిలీ హీరోలు..పృథ్వీ పై సీరియస్‌గా ఉన్నారనే వార్తలు వచ్చాయి. అందుకే అల్లు అర్జున్, త్రివిక్రమ్  కాంబినేషన్లో తెరకెెక్కుతున్న సినిమాలో పృథ్వీని తప్పించారని సోషల్ మీడియాలో వార్తలు వైరల్ అయ్యాయి. దీనికి త్రివిక్రమ్ కూడా ఓకే చెప్పారని పృథ్వి ప్లేస్‌లో మరో నటుడితో భర్తీ చెయ్యాలనే ఆలోచనలో త్రివిక్రమ్ ఉన్నట్టు గుసగుసలు వినిపించాయి. ఈ విషయమై పృథ్వీ తాజాగా స్పదించారు.

తనకు పవన్ తో విభేదాలు లేవని..అల్లు అర్జున్, త్రివిక్రమ్ సినిమాలో నాకు ఆఫర్ వున్న సంగతి కూడా  తనకి తెలియదన్నాడు. అలాంటిది నన్ను ఈ సినిమాలో ఎలా తీసేస్తారని ఎదురు ప్రశ్నించాడు. అత్తారింటికి దారేది తర్వాత నేను దర్శకుడు త్రివిక్రమ్ శ్రీనివాస్‌ను కలవలేదని, నాకు ఆయన వేషం ఇస్తా అనికూడా చెప్పలేదన్నారు. ఇక మెగా ఫ్యామిలీ అంటే నాకు ఎప్పటికి గౌరవం ఉంటుంది అంటూ ఈ సందర్భంగా చెప్పుకొచ్చారు. రాజకీయంగా ఎవరి అభిప్రాయాలు వాళ్లవి. వాటిని సినీరంగానికి, కళాకారులకు ఆపాదించకూడదన్నారు.