US-Israel Iran War Live: భీకరంగా మారిన యుద్ధం.. తగ్గేదేలే అంటున్న ఇరాన్.. ట్రంప్కు మిసైళ్ల బెంగ..
US-Israel Iran War News LIVE Updates in Telugu: పశ్చిమాసియాలో యుద్ధ జ్వాలలు ఎగిసిపడుతున్నాయి. ఇరాన్-ఇజ్రాయెల్ మధ్య మొదలైన పోరు ఐదో రోజు భీకరంగా మారింది. ఒకవైపు టెహ్రాన్ నగరంలో అమెరికా B2 బాంబర్లు మృత్యుఘోష వినిపిస్తుంటే, మరోవైపు ఇరాన్ తన సూపర్ సోనిక్ మిస్సైళ్లతో టెల్ అవీవ్ను వణికిస్తోంది. సముద్ర గర్భంలో అమెరికా యుద్ధ నౌకపై ఇరాన్ చేసిన ప్రతీకార దాడితో ఈ యుద్ధం మహా సంగ్రామంగా మారింది.
LIVE NEWS & UPDATES
-
ఖమేనీ అంత్యక్రియలకు ఏర్పాట్లు
- ఇరాన్ దివంగత నేత ఖమేనీ అంత్యక్రియలకు ఏర్పాట్లు
- శుక్రవారం అయతుల్లా ఖమేనీ అంత్యక్రియలు
- ఖమేనీ సొంతూరు మషాద్లో ఖననం చేసేందుకు సన్నాహాలు
- టెహ్రాన్లో ఇవాళ్టి నుంచి 3 రోజుల అంతిమ దర్శనాలు
- ఫిబ్రవరి 28న అమెరికా-ఇజ్రాయెల్ దాడుల్లో ఖమేనీ మృతి
- ఇప్పటికే ఇరాన్లో సంతాపదినాలు, సెలవులు
-
ఇరాన్ దగ్గర అణు బాంబు లేదు..
- ఇరాన్ చేపట్టిన అణుప్రాజెక్టుపై అంతర్జాతీయ అణుశక్తి సంస్థ అధినేత రాఫెల్ గ్రోసీ కీలక వ్యాఖ్యలు
- ఇరాన్ దగ్గర అణు బాంబు లేదు.. కానీ యురేనియం నిల్వలు ఆందోళనకరం: IAEA
- ఇరాన్ అణుబాంబు తయారు చేస్తోందంటూ అమెరికా ఆరోపణలు
-
-
ఇరాన్ మీద మిసైళ్ల వర్షం
- ఇరాన్ మీద మిసైళ్ల వర్షం కురిపిస్తోన్నఅమెరికా-ఇజ్రాయెల్
- ఇరాన్లోని 2000 టార్గెట్లను ధ్వంసం చేసినట్లు అమెరికా ప్రకటన
- ఇరాన్ రాజధాని టెహ్రాన్లో అమెరికా భీకర దాడులు
- B2 బాంబర్లతో టెహ్రాన్లో అమెరికా దాడులు
- క్షిపణి స్థావరాలు, IRGC సెంటర్ లక్ష్యంగా దాడులు
- ఇరాన్ ఆయుధ డిపోలపైనా B2 బాంబర్లతో US దాడులు
-
కొత్త సుప్రీం లీడర్గా మొజ్తబా ఖమేనీ
- ఇరాన్ కొత్త సుప్రీంలీడర్గా మొజ్తబా ఖమేనీ
- ఇరాన్ అసెంబ్లీ ఎన్నుకున్నట్లు ఇజ్రాయెలీ మీడియా కథనాలు
- ఖమేనీ రెండో కుమారుడు మొజ్తబాకే ఇరాన్ సారధ్య బాధ్యతలు
- ఫిబ్రవరి 28న అమెరికా-ఇరాన్ దాడుల్లో అయతుల్లా ఖమేనీ మృతి
- ఆ తర్వాత కొత్త సుప్రీం లీడర్గా మొజ్తబా తెరపైకి మొజ్తబా పేరు
- మొజ్తబా ఖమేనీని అధికారికంగా ఎన్నుకున్నట్లు ఇజ్రాయెల్ మీడియా కథనాలు
-
అణుప్రాజెక్టును ధ్వంసం చేసిన ఇజ్రాయెల్
- ఇరాన్ రహస్య అణుప్రాజెక్టును ధ్వంసం చేసిన ఇజ్రాయెల్
- మింజాదెహైలో రహస్యంగా ఏర్పాటు చేసి న్యూక్లియర్ కాంపౌండ్పై దాడి
- గతేడాది అమెరికా దాడుల తర్వాత అణు కార్యక్రమం అక్కడికి మళ్లించిన ఇరాన్
-
-
ట్రంప్కు పెంటగాన్ ఎమర్జెన్సీ రిక్వెస్ట్
- ట్రంప్కు పెంటగాన్ ఎమర్జెన్సీ రిక్వెస్ట్
- ఇరాన్ వార్ పదిరోజులు దాటితే మిసైళ్ల కొరత
- ఇరాన్పై ఇలానే దాడిచేసుకుంటూ వెళితే..
- పది రోజులకు మించి మిసైళ్లు లేవన్న పెంటగాన్
- యుద్ధానికి భారీ ఖర్చే అవుతోందంటూ పెంటగాన్ ఆందోళన
- తమ దగ్గర భారీగా మిసైళ్లున్నాయంటూ ట్రంప్ ట్వీట్
- పైకి గంభీరంగా ఉన్నా.. అమెరికాకు భారీగా జరుగుతున్న నష్టం
- నాలుగైదు వారాలపాటు యుద్ధం ఉంటుందంటూ ట్రంప్ కామెంట్స్
- నాలుగైదు వారాలు దాటితే అమెరికా యుద్ధం చేస్తుందా అనే అనుమానం
- ఇంటర్సెప్టార్ మిసైళ్ల కొరత కూడా వస్తుందంటూ పెంటగాన్ ఆందోళన
-
ప్రతాపం చూపిస్తున్న ఇరాన్
- పశ్చిమాసియా దేశాల్లో ప్రతాపం చూపుతున్న ఇరాన్
- అమెరికా సైన్యానికి మరో ఎదురుదెబ్బ
- యూఏఈలో అమెరికా థాడ్ ఎయిర్ డిఫెన్స్ సిస్టమ్ ధ్వంసం
- యూఏఈకి చెందిన రెండు రాడార్లను కూల్చేసినట్లు ఇరాన్ ఆర్మీ
- థాడ్ డిఫెన్స్ వ్యవస్థ కుప్పకూలినట్లు చెబుతున్న ఉపగ్రహ చిత్రాలు
- పశ్చిమాసియాలో 2 థాడ్ డిఫెన్స్ సిస్టమ్స్ను కోల్పోయిన అమెరికా
-
డ్రోన్తో ఇరాన్ దాడి
- దుబాయ్లోని అమెరికా కాన్సులేట్ సమీపంలో ఇరాన్ డ్రోన్తో దాడి
- US కాన్సులేట్ భవనానికి ఆనుకుని ఉన్న పార్కింగ్ స్థలాన్ని తాకిన డ్రోన్
- దీంతో దాడి జరిగిన ప్రాంతంలో అగ్నిజ్వాలలు చెలరేగాయి
- డ్రోన్ దాడి తర్వాత సిబ్బంది సురక్షితంగా ఉన్నారన్న అమెరికా విదేశాంగ శాఖ
-
ఇరాన్కు తగిన బుద్ధి చెప్తాం
- ఇరాన్ దాడులకు తగిన బుద్ధి చెబుతాం అన్నారు అమెరికా విదేశాంగ మంత్రి మార్కో రూబియో
- దాడులు చేసి ఇరాన్ పక్క దేశాలను బెదిరిస్తోంది
- అణ్వాయుధాలు కలిగి ఉండాలన్న ఇరాన్ కోరికను అంగీకరించకూడదు
- ఇరాన్ తమ దేశ పౌరుల ప్రాణాలనే పణంగా పెడుతోంది
- ఇతర దేశాలకు ఇరాన్ నుంచి ఎలాంటి ముప్పు ఉందో గ్రహించాలి
ఇరాన్-ఇజ్రాయెల్ మధ్య మొదలైన ఘర్షణ ఐదో రోజు ప్రపంచ యుద్ధాన్ని తలపిస్తోంది. ఇరాన్ను కోలుకోలేని దెబ్బతీయడమే లక్ష్యంగా అమెరికా-ఇజ్రాయెల్ కూటమి భీకర దాడులకు దిగగా, ఇరాన్ సైతం అమెరికా యుద్ధ నౌకలను లక్ష్యంగా చేసుకుని ప్రతీకార దాడులతో విరుచుకుపడుతోంది. అమెరికా తన అత్యంత శక్తివంతమైన B2 స్టెల్త్ బాంబర్లను రంగంలోకి దించింది. ఇరాన్ రాజధాని టెహ్రాన్ లక్ష్యంగా అమెరికా వాయుసేన భీకర దాడులు చేస్తోంది. ప్రధానంగా ఇరాన్ రివల్యూషనరీ గార్డ్స్ కమాండ్ కంట్రోల్ సెంటర్లు, ఆయుధ డిపోలు, క్షిపణి స్థావరాలే టార్గెట్గా దాడులు జరుగుతున్నాయి. ఇరాన్లోని దాదాపు 2000 వ్యూహాత్మక ప్రాంతాలను ధ్వంసం చేసినట్లు అమెరికా ప్రకటించింది. ఈ దాడుల్లో ఇరాన్ కాన్సులేట్ కూడా దెబ్బతినడం ఉద్రిక్తతలను మరింత పెంచింది.
అమెరికా యుద్ధ నౌకపై ఇరాన్ ప్రతీకారం
అమెరికా గగనతల దాడులకు ప్రతిగా ఇరాన్ సముద్ర మార్గంలో గట్టి దెబ్బ కొట్టింది. ఇరాన్ తీరానికి 600 కి.మీ దూరంలో ఉన్న అమెరికా నేవీకి చెందిన US డిస్ట్రాయర్ యుద్ధ నౌకపై ఇరాన్ దాడి చేసింది. అత్యాధునిక ఖదర్-380 మిస్సైల్తో ఈ దాడి చేసినట్లు IRGC ధృవీకరించింది. అమెరికన్ ట్యాంకర్ యుద్ధ నౌకకు రీఫ్యూయలింగ్ చేస్తున్న సమయంలో ఈ దాడి జరగడంతో రెండు నౌకల్లోనూ భారీగా మంటలు వ్యాపించాయి. ఇది అమెరికా నావికాదళానికి పెద్ద ఎదురుదెబ్బగా భావిస్తున్నారు.
టెల్ అవీవ్పై సూపర్ సోనిక్ దాడి
ఇజ్రాయెల్ గుండెకాయ వంటి టెల్ అవీవ్ నగరంపై ఇరాన్ ఊహించని దాడికి పాల్పడింది. ఇరాన్ ప్రయోగించిన సూపర్ సోనిక్ మిస్సైల్ ఇజ్రాయెల్ రక్షణ కవచాలను ఛేదించుకుంటూ టెల్ అవీవ్లో కుప్పకూలింది. దీంతో నగరంలో భారీ విస్ఫోటనం సంభవించింది. దాడులు జరిగిన ప్రాంతం మొత్తం మంటల్లో చిక్కుకుంది.