Russia Ukraine War: జేబులో షీల్డ్‌గా మారిన పాస్‌పోర్ట్.. బుల్లెట్ దాడిలో 16 ఏళ్ల బాలుడు సేఫ్!

Russia Ukraine War: జేబులో షీల్డ్‌గా మారిన పాస్‌పోర్ట్.. బుల్లెట్ దాడిలో 16 ఏళ్ల బాలుడు సేఫ్!
Ukraine

రష్యా, ఉక్రెయిన్ మధ్య జరుగుతున్న యుద్ధం విధ్వంసకరంగా మారుతోంది. ఇప్పుడు రష్యా సైన్యం కూడా పౌరులను లక్ష్యంగా చేసుకుని వారిపై భీకరంగా కాల్పులు జరుపుతోందని ఉక్రెయిన్ పేర్కొంది.

Balaraju Goud

|

Mar 02, 2022 | 6:52 PM

Russia Ukraine War: రష్యా, ఉక్రెయిన్ మధ్య జరుగుతున్న యుద్ధం విధ్వంసకరంగా మారుతోంది. ఇప్పుడు రష్యా సైన్యం(Russian Army) కూడా పౌరులను లక్ష్యంగా చేసుకుని వారిపై భీకరంగా కాల్పులు జరుపుతోందని ఉక్రెయిన్ పేర్కొంది. ఉక్రెయిన్‌లోని మారియోపోల్(Mariupol) నగరంలో పాస్‌పోర్ట్(Passport) కారణంగా 16 ఏళ్ల బాలుడి ప్రాణం రక్షించుకోగలిగాడు. ఉక్రెయిన్ జాతీయులైన చిన్నారిపై కాల్పులు జరిపారని, అయితే అతని జేబులో ఉన్న పాస్‌పోర్ట్ షీల్డ్‌లా పనిచేసి బుల్లెట్ ముక్క అందులో చిక్కుకుందని ఉక్రెయిన్ విదేశాంగ మంత్రిత్వ శాఖ ట్వీట్ చేసింది. దీంతో ఆ బాలుడు ప్రాణాలతో క్షేమంగా బయటపడగలిగాడు. అయినప్పటికీ, అతను గాయాలు కావడంతో ఆసుపత్రిలో చేర్చారు. ప్రస్తుతం అతనికి చికిత్స కొనసాగుతోంది.

ఉక్రెయిన్ విదేశాంగ మంత్రిత్వ శాఖ ట్విట్టర్‌లో పాస్‌పోర్ట్ ఫోటోను షేర్ చేసింది. అందులో పాస్‌పోర్ట్ దాటుతున్నప్పుడు బుల్లెట్ చిన్నారికి తగిలిందని స్పష్టంగా చూడవచ్చు. అయితే పాస్‌పోర్ట్ అతన్ని చాలా వరకు రక్షించింది. విదేశాంగ మంత్రిత్వ శాఖ ప్రకారం, గాయపడిన బాలుడికి ప్రస్తుతం ఆపరేషన్ జరుగుతోంది. మారియోపోల్ నగరంలో నిరంతరం కాల్పులు జరుగుతున్నాయి. పౌరులను లక్ష్యంగా చేసుకుని రష్యా సైన్యం కాల్పులు జరుపుతోందని ఉక్రెయిన్ ఆరోపిస్తోంది.

రష్యా, ఉక్రెయిన్ మధ్య కొనసాగుతున్న యుద్ధం ఏడో రోజుకు మరింత భీకరంగా మారింది. ఉక్రెయిన్ నగరాలపై రష్యా నిరంతరం దాడి చేస్తోంది, ఇందులో పౌరులు, సైనికులు చనిపోతున్నారు. బుధవారం ఖార్కివ్‌లో రష్యా జరిపిన దాడిలో 21 మంది చనిపోయారు. ఈ రక్తపాత యుద్ధం మధ్యలో, రష్యా విదేశాంగ మంత్రి సెర్గీ లావ్రోవ్ అణ్వాయుధాలు, మూడవ ప్రపంచ యుద్ధం గురించి ప్రస్తావించారు.

ఒక వార్తా సంస్థ నివేదిక ప్రకారం, రష్యా విదేశాంగ మంత్రి సెర్గీ లావ్రోవ్.. మూడవ ప్రపంచ యుద్ధం జరిగితే అందులో అణ్వాయుధాలను ఉపయోగించవచ్చని చెప్పారు. ఇదే జరిగితే అది వినాశకరమని ఆయన అన్నారు. గత వారం రష్యా ఉక్రెయిన్‌పై ప్రత్యేక సైనిక చర్యను ప్రారంభించిందని లావ్‌రోవ్ తన ప్రకటనలో తెలిపారు. ఉక్రెయిన్ అణ్వాయుధాలను కొనుగోలు చేస్తే, అది రష్యాకు పెద్ద ముప్పు అని ఆయన అన్నారు.

Read Also…  Russia Ukraine War: తక్షణమే ఖార్కివ్ నుండి బయటపడండి.. భారతీయులకు ఇండియన్ ఎంబసీ గంటలో రెండో ఆదేశం!

Follow us on

Related Stories

Most Read Stories

Click on your DTH Provider to Add TV9 Telugu