Britan: పార్లమెంట్‌లోకి అడుగుపెట్టిన రోబో.. సభ్యుల ప్రశ్నలకు అదిరిపోయే సమాధానాలు.. వీడియో..
యూనైటెడ్‌ కింగ్‌డమ్‌ పార్లమెంట్‌లో ఇలాంటి అపూర్వ సన్నివేశం చోటుచేసుకుంది. బ్రిటన్‌ పార్లమెంట్‌లో రెండు రోజుల క్రితం మన చిట్టీ తరహా రోబో మాట్లాడిన వీడియో వైరల్‌గా మారింది.
కృత్రిమ మేధాస్సు లేదా ఆర్టిఫిషియల్‌ ఇంటెలిజెన్స్‌ అనేది క్రియేటివ్‌ సెక్టార్‌కు ముప్పుగా మారుతోందా? చాలా మంది ఈ విషయంలో ఆందోళన వ్యక్తం చేస్తుంటారు. కాని ఈ విషయాలపై ఒక మానవ రూపంలోని రోబో మాట్లాడితే ఎలా ఉంటుంది? యూనైటెడ్‌ కింగ్‌డమ్‌ పార్లమెంట్‌లో ఇలాంటి అపూర్వ సన్నివేశం చోటుచేసుకుంది. బ్రిటన్‌ పార్లమెంట్‌లో రెండు రోజుల క్రితం మన చిట్టీ తరహా రోబో మాట్లాడిన వీడియో వైరల్‌గా మారింది. ఈ రోబో పేరు ఐ-దా. ఆండ్రాయిడ్‌తో పనిచేసే ఈ రోబోను ప్రపంచంలోనే మొట్టమొదటి ఆల్ట్రా రియలిస్టిక్‌ ఆర్టిస్ట్‌గా పరిగణిస్తున్నారు. దీన్ని 2019లో తయారు చేశారు. బ్రిటన్‌ పార్లమెంట్‌లోని హౌజ్‌ ఆఫ్‌ లార్డ్స్‌ ప్రతినిధుల ప్రశ్నలకు ఈ రోబో చక్కని సమాధానాలు చెప్పింది. బ్రిటన్‌కు చెందిన 19 శతాబ్దపు గణిత దిగ్గజం అడా లవ్‌లేస్‌ పేరు మీద ఈ రోబోకు ఐ-దా అని పేరు పెట్టారు.
బ్రిటన్‌ పార్లమెంట్‌ హౌస్‌ ఆఫ్‌ లార్డ్స్‌కు చెందిన కమ్యూనికేషన్స్‌ అండ్‌ డిజిటల్‌ కమిటీ సభ్యులు ఈ రోబోను ఆర్టిఫిషియల్‌ ఇంటెలిజెన్స్‌, రోబోలు, కళల గురించి ప్రశ్నలు అడిగారు. తాను మాట్లాడగలుగుతున్నా ఈ విషయాలపై తనకు విషయ పరిజ్ఞానం లేదని, కంప్యూటర్‌ ప్రోగ్రామ్స్‌, అల్గోరిథమ్స్‌ ఆధారంగా తాను పనిచేస్తానని ఈ రోబో పలికింది. ఆరెంజ్‌ కలర్‌ బ్లౌజ్‌, డెనిమ్‌ డంగరీ ధరించిన ఈ రోబో తాను కళను సృష్టించగలనని ఈ మానవ రూపం రోబో తెలిపింది.
ఈ రోబో మాట్లాడుతున్న సమయంలో టెక్నికల్‌ సమస్యలు ఏర్పడ్డాయి. దాన్ని కళ్లు జాంబీగా మారాయి. దాంతో దీని సృష్టికర్త అయిన అయిడాన్‌-మెల్లర్‌ ఈ రోబోకు సన్‌గ్లాసెస్‌ పెట్టారు. AI అల్గోరిథమ్స్‌ సాయంతో పనిచేసే ఈ రోబో తన కళ్లలో కెమెరాలు, రోబోటిక్‌ మోచేయితో క్యాన్వాస్‌పై చిత్రాలు గీయగలదు, కవిత్వాన్ని సైతం రచించగలదు.
A British humanoid named AiDa has made history by becoming the first robot to speak at the House of Lords but suffered a slight hiccup after falling asleep#humanoid #AiDa #history #robot #House #Lords pic.twitter.com/CAsxNw7kT0
— Shahryar Sultan (@Shahryar_Sultan) October 11, 2022
మరిన్ని అంతర్జాతీయ వార్తల కోసం..