Rishi Sunak: బ్రిటన్ ప్రధాని రిషి సునాక్‌ను చిక్కుల్లో పడేసిన పెంపుడు కుక్క.. రూల్స్ గుర్తు చేసిన పోలీసులు..

Rishi Sunak

తన పెంపుడు కుక్క వల్ల ఇరకటంలో పడ్డారు బ్రిటన్ ప్రధాని రిషి సునాక్. ఇటీవల కారులో సీటు బెల్టు ధరించకుండా ట్రాఫిక్ నిబంధనలను ఉల్లంఘించారంటూ…. ఇప్పుడు తన పెంపుడు కుక్క వల్ల రూల్స్ ను బ్రేక్ చేయాల్సి వచ్చింది ఆయనకు. పార్కులోకి వన్య ప్రాణులను బంధించి తీసుకురావాలన్న నిబంధనను సునాక్ బ్రేక్ చేశారని ఫిర్యాదు వచ్చింది. అది గమనించిన సిబ్బంది సునాక్‌కు నిబంధనలను గుర్తు చేశారు. కుటుంబ సభ్యులతో కలిసి బ్రిటన్ ప్రధాన మంత్రి రిషి సునక్ లండన్ లోని హైడ్ పార్క్ కు వెళ్లారు. ఈ సమయంలో తన వెంట తీసుకువచ్చిన పెంపుడు కుక్కను పార్కులో అలా వదిలేశారు. ఇలా జంతువుల్ని వదిలేయడం అక్కడి నిబంధనలకు విరుద్ధం అని ఆ తర్వత గమనించారు.

స్వేచ్ఛగా సంచరిస్తోన్న కుక్కను గమనించిన సిబ్బంది వెంటనే సునాక్ వద్దకు చేరుకుని రూల్స్‌‌ను వివరించారు. దీంతో పాటు కుక్క మెడకు పట్టీ పెట్టి సునాక్‌కు అందించారు. దీనికి సంబంధించిన వీడియో ఒకరు ఇప్పుడు సోషల్ మీడియాలో పోస్ట్ చేశారు. ఇది కాస్తా ఇప్పుడు దేశ వ్యాప్తంగా చర్చకు కారణంగా మారింది. ఈ విషయంలో దేశ ప్రధాని సునాక్ పై ఎలాంటి చర్యలు తీసుకోబోమని తేల్చి చెప్పారు పోలీసులు.

మరిన్ని అంతర్జాతీయ వార్తల కోసం