Imran Khan: ఇమ్రాన్ ఖాన్‌కు బెయిల్ మంజూరు.. కానీ అసలు ట్విస్ట్ ఏమిటంటే..?

Pak Ex Pm Imran Khan

Imran Khan Arrest: పాక్ మాజీ ప్రధాని ఇమ్రాన్‌ ఖాన్ అల్‌ ఖదీర్‌ ట్రస్టు భూముల అవినీతి కేసులో తుది తీర్పు వెల్లడైంది. ఈ కేసులో ప్రధాన నిందితుడిగా ఉన్న ఇమ్రాన్‌ ఖాన్‌కి ఇస్లామాబాద్ హైకోర్టు మధ్యంతర బెయిలు మంజూరు చేసింది. అయితే ఈ బెయిల్ రెండు వారాలకు మాత్రమేనని హైకోర్టు ట్విస్టు ఇస్తూ తన తీర్పును వెల్లడించింది. బెయిల్ మంజూరు కాక ముందు కోర్టు ఎదుట ఇమ్రాన్ ఖాన్ తనను ఓ టెర్రరిస్టులా ట్రీట్ చేశారని, ఏది ఏమైనా దేశం విడిచి వెళ్లనని, బెయిల్ ఇవ్వకపోతే జైల్లో ఉండటానికైనా సిద్ధంగా ఉన్నానని పేర్కొన్నారు.

ఇక అంతకముందు పోలీసు గెస్ట్‌హౌస్‌ భారీ భద్రత మధ్య ఇస్లామాబాద్‌ హైకోర్టుకి ఇమ్రాన్‌ ఖాన్‌ హాజరయ్యారు. ఈ క్రమంలో ఇమ్రాన్ ఖాన్ పార్టీ అయిన పాకిస్థాన్ తెహ్రీక్ ఈ ఇన్సాఫ్ పిలుపు మేరకు కోర్టు వద్దకు భారీగా తరలివచ్చారు ఆయన సపోర్టర్స్‌. అయితే కోర్టు బయట ఉన్నవారిపై లాఠీచార్జ్‌, అరెస్ట్‌లు చేయడంతో ఇస్లామాబాద్‌ అల్లకల్లోలంగా మారింది.

కాగా, గురువారమే ఇమ్రాన్‌ అరెస్ట్‌ చట్టవిరుద్దమని, వెంటనే ఆయన్ని విడుదల చేయాలని పాక్‌ సుప్రీంకోర్టు ఆదేశాలు జారీ చేసింది. ఈ క్రమంలో ఆయన్ను ఇంటికి వెళ్లేందుకు నిరాకరిస్తూ పోలీసు గెస్ట్‌హౌస్‌లో ఉండవచ్చని, అలాగే శుక్రవారం(ఈ  రోజు) ఇస్లామాబాద్ కోర్టు ఎదుట హాజరు కావాలని ఆదేశించింది.

మరిన్ని అంతర్జాతీయ వార్తల కోసం..