TUI flight: జెట్ విమాన చక్రంలో మానవ మృతదేహం.. మృతదేహం గుర్తింపు కోసం అధికారులు ప్రయత్నాలు
డిసెంబరు 5, 2022 గాంబియా రాజధాని బంజుల్ నుంచి లండన్లోకి గాట్విక్ విమానాశ్రయానికి విమానం బయలు దేరింది. సరిగ్గా ఎయిర్ పోర్ట్లో ల్యాండ్ అయినప్పుడే ఈ దిగ్బ్రాంతికర ఘటనను గుర్తించారు అధికారులు.
విమాన చక్రంలో మానవ మృతదేహం కలకలం సృష్టించింది. గాంబియా నుంచి బ్రిటన్కు వెళ్ళిన జెట్విమానంలో ఈ షాకింగ్ ఘటన చోటు చేసుకుంది. విమానం వీల్బేలో చనిపోయిన మృతదేహాన్ని కనుగొన్నారు. టీయూఐ ఎయిర్వేస్ నడుపుతున్న జెట్ విమానంలో గుర్తుతెలియని ఒక నల్లజాతీయుడి మృతదేహాన్ని అధికారులు గుర్తించారు. డిసెంబరు 5, 2022 గాంబియా రాజధాని బంజుల్ నుంచి లండన్లోకి గాట్విక్ విమానాశ్రయానికి విమానం బయలు దేరింది. సరిగ్గా ఎయిర్ పోర్ట్లో ల్యాండ్ అయినప్పుడే ఈ దిగ్బ్రాంతికర ఘటనను గుర్తించారు అధికారులు. ఆ మేరకు బ్రిటన్ మెట్రో పోలీసులు గాంబియా ప్రభుత్వానికి ఈ సమాచారం అందించారు. ఎలాంటి గుర్తింపు పత్రాలు లేకుండా ఒక అపరిచిత వ్యక్తి విమానం వీల్ బేలో మృతిచెందినట్టు తెలిపారు.
గాంబియన్ ప్రభుత్వ ప్రతినిధి ఎబ్రిమా ఆ మృతదేహాన్ని విమానం నుండి తీసివేసి వర్థింగ్ ఆసుపత్రికి తరలించినట్లు తెలిపారు. గాంబియన్ అధికారులు బ్రిటీష్ పోలీసులతో సహకరిస్తున్నారని .. ఆ మృత దేహం ఎవరది అనే విషయంపై దర్యాప్తు చేస్తున్నట్లు చెప్పారు. వ్యక్తి గుర్తింపు కోసం అతని DNA ను పరీక్షిస్తున్నారు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..