India Warns Pakistan: పాకిస్తాన్ చెంప పగిలేలా భారత్ వార్నింగ్.. వెంటనే ఆ ప్రాంతాలు ఖాళీ చేయండి!
కాశ్మీర్, ఆఫ్ఘనిస్తాన్పై దృష్టి పెట్టిన పాక్ ప్రధాని ఇమ్రాన్ ఐక్యరాజ్యసమితి జనరల్ అసెంబ్లీలో భారత్ పై మాటల దాడి చేశారు. దీనికి భారతదేశం ధీటుగా స్పందించింది.
India Warns Pakistan: కాశ్మీర్, ఆఫ్ఘనిస్తాన్పై దృష్టి పెట్టిన పాక్ ప్రధాని ఇమ్రాన్ ఐక్యరాజ్యసమితి జనరల్ అసెంబ్లీలో భారత్ పై మాటల దాడి చేశారు. దీనికి భారతదేశం ధీటుగా స్పందించింది. మొత్తం జమ్మూ కాశ్మీర్, లడఖ్ భారత్ అంతర్భాగం అని చెప్పిన భారత్.. అందులో ఎవరి జోక్యాన్నీ సహించబోమని తెగేసి చెప్పింది. అంతేకాకుండా అబద్ధాల ప్రచారానికి దిగిన ఇమ్రాన్ చెంప పగిలేలా హెచ్చరిక చేసింది. పాకిస్తాన్ కాశ్మీర్ లో ఆక్రమించిన భాగాలు వెంటనే ఖాళీ చేయాలని అదే ఐక్యరాజ్యసమితి వేదికగా తీవ్రంగా హెచ్చరించింది. ఐక్యరాజ్యసమితిలో భారతీయ దౌత్యవేత్త స్నేహా దూబే మాట్లాడుతూ ఈ హెచ్చరిక చేశారు.
పాకిస్తాన్ అబద్ధాలను వ్యాప్తి చేయడానికి UN వేదికను ఉపయోగించింది..
పాకిస్తాన్ చరిత్రలో ఉగ్రవాదులను ప్రోత్సహించడం..సహాయం చేయడం ఐక్యరాజ్యసమితి సభ్య దేశాలకు తెలుసు. ఇది పాకిస్తాన్ విధానంలో చేర్చి ఉందని దుబే అన్నారు. పాకిస్తాన్ ఉగ్రవాదులు పాకిస్థాన్లో స్వేచ్ఛగా తిరుగుతుండగా, పాకిస్తాన్ భారతదేశానికి వ్యతిరేకంగా అబద్ధాలు వ్యాప్తి చేయడానికి, ప్రపంచం దృష్టిని మరల్చడానికి UN వేదికను ఉపయోగిస్తోందని ఆమె ఆరోపించారు. అంతేకాకుండా.. ఇలా పాకిస్తాన్ ఐక్యరాజ్యసమితి వేదికను దుర్వినియోగాపరచడం ఇది మొదటిసారి కాదని చెప్పారు. ఒసామా బిన్ లాడెన్కు కూడా పాకిస్తాన్ ఆశ్రయం ఇచ్చింది. ఈ రోజు కూడా పాకిస్తాన్ ప్రభుత్వం బిన్ లాడెన్ను అమరవీరుడు అని పిలుస్తోంది అంటూ ఆమె పాకిస్తాన్ ఉగ్రవాద ప్రోత్సాహాన్ని ఎత్తి చూపారు.
“పాకిస్తాన్ నాయకుడు నా దేశ అంతర్గత విషయాలను తీసుకురావడం ద్వారా.. ప్రపంచ వేదికపై అబద్ధాలు ప్రచారం చేయడం ద్వారా ఈ ప్రతిష్టాత్మక ఫోరమ్ ప్రతిష్టను దిగజార్చడానికి చేసిన మరొక ప్రయత్నానికి మేము ప్రత్యుత్తరం ఇచ్చే హక్కును వినియోగించుకుంటాము” అని ఆమె పేర్కొన్నారు. ఇంకా, స్నేహ దూబే ఉగ్రవాదులకు ఆశ్రయం కల్పించడం ద్వారా పాకిస్తాన్ “ఒక అగ్నిమాపక వేషం వేసుకునే వ్యక్తి” అని ఆరోపించింది. పొరుగున ఉన్న దేశాన్ని “తన అక్రమ ఆక్రమణలో ఉన్న అన్ని ప్రాంతాలను వెంటనే ఖాళీ చేయమని” హెచ్చరించింది.
UNGA లో శుక్రవారం సాయంత్రం ప్రసారమైన తన ప్రీ-రికార్డింగ్ ప్రసంగంలో, పాకిస్తాన్ ప్రధాన మంత్రి ఇమ్రాన్ ఖాన్, 2019 లో ఆర్టికల్ 370 ని రద్దు చేస్తూ భారత ప్రభుత్వం తీసుకున్న నిర్ణయాన్ని నిరసిస్తూ ప్రసంగించారు. దీనికి ప్రతిస్పందనగా, భారత్ తరఫున స్నేహా దుబే అటువంటి ప్రకటనలు “అబద్ధాన్ని పదేపదే చెప్పే వ్యక్తి యొక్క మనస్తత్వం పట్ల మన సామూహిక ధిక్కారం అదేవిధంగా సానుభూతికి అర్హమైనవి” అని అన్నారు. భారతదేశానికి వ్యతిరేకంగా “తప్పుడు మరియు హానికరమైన ప్రచారం” ప్రచారం చేయడానికి పాకిస్తాన్ నాయకుడు “UN అందించిన వేదికలను” దుర్వినియోగం చేయడం ఇదే మొదటిసారి కాదని ఆమె అన్నారు.
భారతదేశ ప్రతినిధి స్నేహా దుబే పాకిస్తాన్ ప్రధాన మంత్రి ఇమ్రాన్ ఖాన్ ప్రపంచ దేశాల దృష్టిని మరల్చడానికి ప్రయత్నిస్తున్నారని, “సాధారణ ప్రజలు, ముఖ్యంగా మైనారిటీ వర్గాల జీవితాలు తలక్రిందులు అవుతున్నప్పుడు” తీవ్రవాదులు స్వేచ్ఛా పాస్ని అనుభవిస్తున్న తన దేశంలోని విషాదకరమైన స్థితి నుండి “దృష్టి మరల్చడానికి ప్రయత్నిస్తున్నారని పేర్కొన్నారు. మరోవైపు, “దేశంలో అత్యున్నత పదవుల్లో కొనసాగిన మైనారిటీల గణనీయమైన జనాభాతో బహుళజాతి ప్రజాస్వామ్యం ఉన్న దేశం భారత్ ” అని ఆమె అన్నారు.
“పాకిస్తాన్ ఉగ్రవాదులకు ఆశ్రయం ఇవ్వడం, సహాయం చేయడం, చురుకుగా మద్దతునివ్వడం అనే స్థాపించబడిన చరిత్ర.. విధానాన్ని కలిగి ఉందని సభ్య దేశాలకు తెలుసు. ఇది ప్రపంచ విధానంగా బహిరంగంగా మద్దతు ఇవ్వడం, శిక్షణ ఇవ్వడం, ఆర్థిక సహాయం చేయడం, ఉగ్రవాదులను సాయుధపరచడం వంటి దేశంగా గుర్తించబడింది.” అని ఆమె పేర్కొన్నారు. UNGA లో తన ప్రసంగంలో కూడా ఇమ్రాన్ ఖాన్ తీవ్రవాద చర్యలను సమర్థించడానికి ప్రయత్నించారని ఆమె ఆరోపించారు.
చివరగా, స్నేహా దూబే జమ్మూ కాశ్మీర్తో పాటు కేంద్రపాలిత ప్రాంతాలన్నీ అలాగే లడఖ్ కూడా “భారతదేశంలో అంతర్భాగం అలాగే, విడదీయరాని భాగం” అని నొక్కి చెప్పారు. “ఇందులో పాకిస్తాన్ అక్రమ ఆక్రమణలో ఉన్న ప్రాంతాలు ఉన్నాయి. పాకిస్తాన్ తన అక్రమ ఆక్రమణలో ఉన్న అన్ని ప్రాంతాలను వెంటనే ఖాళీ చేయమని మేము పిలుపునిస్తున్నాము” అని ఆమె చెప్పారు.
ఇవి కూడా చదవండి:
Offers on Bank Deposits: ఈ బ్యాంకుల ప్రత్యేక ఆఫర్లు నెలాఖరుతో ముగుస్తాయి.. వీటిమీద ఓ లుక్కేయండి!