పెద్ద సంక్షోభంలోకి అమెరికా.. ఆరేళ్లలో మొదటిసారిగా ప్రభుత్వ షట్డౌన్..!
అమెరికాలో ఒక పెద్ద సంక్షోభం తలెత్తింది. ఆరు సంవత్సరాలలో తొలిసారిగా అమెరికా ప్రభుత్వం షట్డౌన్ ముప్పును ఎదుర్కొంటోంది. ప్రభుత్వ ఖర్చులకు నిధులు సమకూర్చే బిల్లును సెనేట్ ఆమోదించడంలో విఫలమైంది. తత్ఫలితంగా, అనేక US ప్రభుత్వ కార్యాలయాలలో అర్ధరాత్రి నుండి ప్రభుత్వ కార్యకలాపాు నిలిపివేయడం జరిగింది.
అమెరికాలో ఒక పెద్ద సంక్షోభం తలెత్తింది. ఆరు సంవత్సరాలలో తొలిసారిగా అమెరికా ప్రభుత్వం షట్డౌన్ ముప్పును ఎదుర్కొంటోంది. ప్రభుత్వ ఖర్చులకు నిధులు సమకూర్చే బిల్లును సెనేట్ ఆమోదించడంలో విఫలమైంది. తత్ఫలితంగా, అనేక US ప్రభుత్వ కార్యాలయాలలో అర్ధరాత్రి నుండి, అంటే స్థానిక సమయం ప్రకారం ఉదయం 12:00 గంటల తర్వాత (భారత కాలమానం ప్రకారం బుధవారం ఉదయం 9:30) పనులు నిలిపివేయడం జరిగింది. బిల్లును ఆమోదించడానికి సెనేట్కు 60 ఓట్లు అవసరం, కానీ 55 మాత్రమే వచ్చాయి. దీంతో ప్రభుత్వ ప్రతిపాదన వీగిపోయింది. రిపబ్లికన్ నాయకుడు జాన్ థూన్ అసంతృప్తి వ్యక్తం చేశారు. కానీ త్వరలో రాజీ కుదురుతుందని ఆశాభావం వ్యక్తం చేశారు. షట్డౌన్కు డెమొక్రాట్లే కారణమని డెమోక్రటిక్ నేతలు ఆరోపించారు.
రిపబ్లికన్ పార్టీ ఇది “క్లీన్ ఫండింగ్ బిల్లు” అని పేర్కొంది. రాజకీయ కారణాల వల్ల డెమొక్రాట్లు దీనిని ఆమోదించకుండా అడ్డుకున్నారని విమర్శించారు. మరోవైపు, డెమొక్రాట్లు బిల్లు ఆరోగ్య సంరక్షణ సబ్సిడీలను విస్తరించాలని, దేశీయ కార్యక్రమాలకు కోతలను తిప్పికొట్టాలని డిమాండ్ చేశారు. ఈ ఓటింగ్ తర్వాత, వైట్ హౌస్ బడ్జెట్ ఆఫీస్ కీలక ప్రకటన చేసింది. అన్ని ప్రభుత్వ సంస్థలు తమ తమ షట్డౌన్ ప్రణాళికలను అమలు చేయాలని కోరుతూ ఒక మెమోను జారీ చేసింది. వైట్ హౌజ్ బడ్జెట్ డైరెక్టర్ రస్సెల్ వోట్ ఈ నోటీసుపై సంతకం చేశారు.
US షట్డౌన్ అంటే ఏమిటి?
అమెరికాలో, సెప్టెంబర్ 30 నాటికి ప్రభుత్వాన్ని నడపడానికి నిధులు మంజూరు చేయడంలో US కాంగ్రెస్ విఫలమైనప్పుడు ప్రభుత్వ షట్డౌన్ విధిస్తారు. US రాజ్యాంగం ప్రకారం, ప్రభుత్వ విభాగాలు, కార్యక్రమాలకు నిధులు సమకూర్చడానికి కాంగ్రెస్ ఏటా ఒక బిల్లును ఆమోదించాలి. బిల్లును ఆమోదించకపోతే ప్రభుత్వానికి చట్టబద్ధంగా ఖర్చు చేయడానికి అధికారం లభించదు. దీని ఫలితంగా వేలాది మంది ఫెడరల్ ఉద్యోగులను జీతం లేకుండా సెలవుపై పంపుతారు. అనేక మంది జీతం లేకుండా పని చేయవలసి వస్తుంది. ఈ నేపథ్యంలోనే సైనిక అధికారులు, రిజర్వ్ దళాలు పనికి రిపోర్ట్ చేస్తూనే ఉంటారని, కానీ వారికి ప్రస్తుతానికి జీతం అందదని రక్షణ శాఖ స్పష్టంగా పేర్కొంది.
డెమోక్రటిక్ నాయకుడు చక్ షుమెర్ రిపబ్లికన్ పార్టీ తీరుపై మండిపడ్డారు. “రిపబ్లికన్లు అమెరికాను షట్డౌన్లోకి నెట్టారు. లక్షలాది అమెరికన్ కుటుంబాలు ఇప్పుడు తమ బిల్లులు ఎలా చెల్లించాలో ఆలోచిస్తూ కూర్చుంటారు” అని అన్నారు. రాబోయే రోజుల్లో దీనికి రిపబ్లికన్లను ప్రజలు బాధ్యులుగా భావిస్తారని ఆయన హెచ్చరించారు. ఈ షట్డౌన్ అనేక రోజువారీ ప్రభుత్వ సేవలను ప్రభావితం చేస్తుంది. ఆహార భద్రతా, విమాన ప్రయాణ నియంత్రణ, ఫెడరల్ కోర్టులు, ఇతర ముఖ్యమైన సేవలు ప్రభావితమవుతాయి. 1980 నుండి USలో 14 సార్లు షట్డౌన్లు జరిగాయి. 2018-19లో ట్రంప్ పదవీకాలంలో 35 రోజుల పాటు కొనసాగిన అత్యంత ఎక్కువకాలం షట్డౌన్ విధించారు.
మరిన్ని అంతర్జాతీయ వార్తల కోసం ఇక్కడ క్లిక్ చేయండి..