Watch Video: ఆకాశం నుంచి దూసుకొచ్చిన ఉల్క.. ఇది భూమికంటే పురాతనమైనదట!

America

గత ఏడాది జూన్‌ నెలలో ఆమెరికాలోని జార్జియాలో పడిన ఉల్క శకలం గురించి శాస్త్రవేత్తలు కీలక విషయాలను కనుగొన్నారు. ఈ ఉల్క శకలం భూమికంటే కోట్ల సంవత్సరాలు పురాతనమైనదని గర్తించారు. గత ఏదాడి జూన్‌ 26న మెరుస్తూ ఆకాశంలోంచి వేగంగా దూసుకొచ్చిన ఈ ఉల్క శకలం మెక్‌డొనౌగ్‌లోని ఓ ఇంటిపై కప్పును బద్దలకొట్టుకొని భూమిపై పడింది. సూపర్‌ సోనిక్‌ వేగంతో దూసుకొచ్చిన ఈ ఉల్క భూమిపై పడినప్పుడు సెంటీమీటరున్నర లోతులో గంత ఏర్పడింది. చూడ్డానికి చిన్న చెర్రపండు సైజులో ఉన్న ఈ ఉల్క శకలం బరువు 23 గ్రాములు ఉన్నట్టు శాస్త్రవేత్తలు గుర్తించారు. ఇది భూమిపై పడినప్పుడు వచ్చిన శబ్ధం స్థానిక జనాలను ఉలిక్కపడేలా చేసింది.

అయితే ఇది భూమిపై పడిన విషయం తెలుసుకున్న శాస్త్రవేత్తలు ఈ ఉల్క శకలం గురించి తెలుసుకునేందుకు దాన్ని ల్యాబ్‌కు తీసుకెళ్లి పరిశోదనలు చేశారు. ఈ పరిశోదనల్లో సైంటిస్ట్‌లు కీలక విషయాలను కనుగొన్నారు. ఈ శకలం దాదాపు 4.56 బిలియన్‌ సంవత్సరాల ఏళ్లనాటిగా గుర్తించారు. అంటే ఇది భూమి కంటే 2 కోట్ల సంవత్సరాల క్రితం తయారయినట్టు తెలుస్తోంది. ఎందుకంటే భూమి 4.54 బిలియన్‌ సంవత్సరాల క్రితం ఏర్పడిందన్న ఇప్పటికే ఎంతో శాస్త్రవేత్తలు అంచనాలు వేశారు. వాటిని బట్టి చూసుకుంటే ఇది భూమి కన్న పురాతనమైనదని వారు అంచనావేస్తున్నాయి.

అయితే ఈ శకలం అంగారకుడు, బృహస్పతికి మధ్య ఉన్న ఓ తోక చుక్క నుంచి విడిపోయి ఉండవచ్చని శాస్త్రవేత్తలు భావిస్తున్నారు. అయితే భూమిపై ఉల్కలు ఎల్లప్పుడూ పడుతూనే ఉంటాయని, కానీ చాలా వరకు మహాసముద్రాలు లేదా మారుమూల ప్రాంతాలలోనే పడతాయని శాస్త్రవేత్తలు పేర్కొన్నారు.

వీడియో చూడండి..

మరిన్ని అంతర్జాతీయ వార్తల కోసం ఇక్కడ క్లిక్ చేయండి.