Breaking News
  • చిత్తూరు: మదనపల్లెలో మహిళా సంఘాల ఆందోళన. నిందితుడిని ఉరి తీయాలంటూ చిన్నారి వర్షిత తల్లిదండ్రుల ధర్నా. తమకు న్యాయం చేయాలంటున్న వర్షిత తల్లిదండ్రులు. రఫీని బహిరంగంగా ఉరి తీయాలని డిమాండ్. విద్యుత్‌ టవర్‌ ఎక్కిన వర్షిత కుటుంబ సభ్యులు. కిందకు దించేందుకు పోలీసుల ప్రయత్నాలు.
  • వివాదంలో జార్జిరెడ్డి సినిమా. ఏబీవీపీ విద్యార్థులను రౌడీలుగా చూపెట్టే కుట్ర జరుగుతోందని ఆరోపణ. సినిమాలో జార్జిరెడ్డి రౌడీయిజాన్ని చూపెట్టాలన్న ఏబీవీపీ. ఇప్పటికే ప్రీ రిలీజ్‌ ఫంక్షన్‌కు అనుమతి నిరాకరించిన పోలీసులు. ఈ నెల 22న విడుదల కానున్న జార్జిరెడ్డి.
  • వరంగల్‌: ఏనుమాముల మార్కెట్ యార్ట్‌లో పత్తి కొనుగోళ్లు ప్రారంభం. ప్రభుత్వ హామీతో తిరిగి కొనుగోళ్లు ప్రారంభించిన కాటన్ వ్యాపారులు.
  • ఢిల్లీ చేరుకున్న ఎన్సీపీ అధినేత శరద్‌ పవార్‌. సా.4గంటలకు సోనియాతో భేటీ కానున్న శరద్‌పవార్‌. మహారాష్ట్రలో ప్రభుత్వ ఏర్పాటు, ఉమ్మడి కార్యాచరణపై చర్చ.
  • హైదరాబాద్‌: హైకోర్టులో అగ్రిగోల్డ్ కేసు విచారణ. తాకట్టు పెట్టిన అగ్రిగోల్డ్ ఆస్తులను వేలం వేసిన బ్యాంకర్లు. సంవత్సరం గడిచినా కొనుగోలుదారులకు అందని కన్‌ఫర్మేషన్‌ ఆర్డర్. కన్‌ఫర్మేషన్‌ ఇవ్వాలని కోరిన బ్యాంకర్లు. డిసెంబర్‌ 5న మరోసారి విచారిస్తామన్న హైకోర్టు. తదుపరి విచారణ డిసెంబర్‌ 5కు వాయిదా.
  • లోక్‌సభలో కొనసాగుతున్న ప్రశ్నోత్తరాలు. ప్రాంతీయ భాషా పరిరక్షణపై కేశినేని నాని ప్రశ్న. త్రిభాషా విధానాన్ని అమలు చేయాలి-కేశినేని నాని. ప్రాంతీయ భాషలను రక్షించాల్సిన అవసరం ఉంది-కేశినేని నాని. పలు అంశాలపై చర్చకు పట్టుబడుతున్న విపక్షాలు. విపక్ష సభ్యుల నినాదాల మధ్య కొనసాగుతున్న సభ. తెలుగు భాష ఉన్నతికి చర్యలు తీసుకుంటున్నాం-మంత్రి పోఖ్రియాల్‌.
  • ఆగ్రా జిల్లా పేరు మార్చే యోచనలో యూపీ సర్కార్. ఆగ్రా పేరును ఆగ్రావన్‌గా మార్చాలని యూపీ సర్కార్‌ యోచన. కాషాయికరణలో భాగంగా పేరు మారుస్తున్నారని విపక్షాల విమర్శలు. గతంలో ఫైజాబాద్‌ను అయోధ్యగా.. అలహాబాద్‌ను ప్రయాగ్‌రాజ్‌గా మార్చిన యూపీ సర్కార్.

రాములమ్మపై కుట్ర.. కారణం ఆ ఇద్దరేనా.?

Vijayashanti denies reports of joining BJP

రాములమ్మ పార్టీ మారబోతున్నారా? బీజేపీ వైపు చూస్తున్నారా..?త్వరలోనే బీజేపీలో చేరబోతున్నారా.. లేదంటే ఇలా రూమర్లను క్రియేట్ చేశారా? గాంధీభవన్ వేదికగా రాములమ్మపై కుట్ర చేస్తున్నారా? రాములమ్మపై అసత్య ప్రచారాలు చేస్తే ఆ నేతలకొచ్చే లాభమేంటి? దీనిపై విజయశాంతి ఏమంటున్నారు?

కాంగ్రెస్ పార్టీ ప్రచార కమిటీ చైర్ పర్సన్ విజయశాంతి పార్టీ మారబోతున్నారనే ప్రచారం జోరందుకుంది. బీజేపీ నుంచి రాజకీయ జీవితం ప్రారంభించిన విజయశాంతికి ఆ పార్టీ నేతలతో పరిచయాలున్నాయి.తెలంగాణ బలపడాలని కలలుగంటున్న ఆ పార్టీ కాంగ్రెస్ కీలక నేతలకు వలలు వేస్తుందని ప్రచారం నడుస్తోంది.ఇందులో భాగంగా రాములమ్మ బీజేపీలోకి రీఎంట్రీ ఇస్తారని ఓ వార్త వైరల్ అయింది. ఈ ప్రచారంపై స్పందించిన విజయశాంతి పార్టీ మారే ఆలోచన తనకు లేదని స్పష్టం చేశారు. అయితే ఈ సందర్భంగా ఆమె చేసిన వ్యాఖ్యలు ప్రాధాన్యత సంతరించుకుంది.ఈ మేరకు మీడియాకు ఓ ప్రకటన విడుదల చేశారు.

తాను పార్టీ మారబోతున్నానంటూ కొందరు కావాలనే కుట్ర పూరితంగా ప్రచారం చేస్తున్నారని ఆమె ధ్వజమెత్తారు. అది కూడా కాంగ్రెస్ పార్టీ రాష్ర్ట కార్యాలయం గాంధీభవన్ నుంచే కుట్ర చేస్తున్నారని కామెంట్స్ చేశారు. అయితే ఈ విషయంపై టీపీపీసీ అధ్యక్షుడు ఉత్తమ్ కుమార్ రెడ్డితో చర్చించినట్లు ఆమె ఆ ప్రకటనలో తెలిపారు. పార్టీ మార్పుపై హడావుడిగా నిర్ణయం తీసుకోబోనంటూ స్పష్టం చేశారు. అలాగే పార్టీ మారే ఆలోచన ఉంటే బహిరంగంగానే ప్రకటిస్తానని చెప్పారు. తను పార్టీ మారబోతున్నాననే ప్రచారం వెనుక ఇద్దరు నేతలు ఉన్నారని విజయశాంతి తన సన్నిహితులతో వాపోయారు. అయితే గాంధీ భవన్ కుట్రను త్వరలోనే బయట పెడతానంటూ విజయశాంతి క్లారిటీ ఇచ్చారు.