డ్రీమర్స్కు గ్రీన్కార్డు! చిన్న పిల్లలుగా వలస వెళ్లిన వారికి శుభవార్త!
Updated on: Dec 11, 2025 | 1:37 PM
అమెరికాలో హెచ్-1బీ వంటి వీసాలపై ఉన్న భారతీయ ఉద్యోగుల పిల్లలకు శుభవార్త. సవరించిన డ్రీమ్ యాక్ట్ ద్వారా వీరికి 21 ఏళ్లు నిండిన తర్వాత కూడా డిపెండెంట్ హోదాను కొనసాగించి, గ్రీన్కార్డ్ పొందే అవకాశం కల్పించాలని ప్రతిపాదించారు. ప్రస్తుతం, వీరు డిపెండెంట్ హోదా కోల్పోయి, స్టూడెంట్ వీసాకు మారాలి లేదా దేశం విడిచి వెళ్ళాలి. ఈ బిల్లు ఆమోదమైతే, దాదాపు 1 లక్ష మంది భారతీయ పిల్లలకు గ్రీన్కార్డ్ వస్తుందని అంచనా.
చిన్న పిల్లలుగా అమ్మానాన్నల చేయి పట్టుకుని అమెరికాకు వలస వెళ్లిన వారికి శుభవార్త! సవరించిన డ్రీమ్ యాక్ట్ని డెమోక్రట్ పార్టీకి చెందిన సెనేటర్లు డిక్ ఇంకా లీసా అమెరికన్ సెనేట్లో ప్రతిపాదించారు. హెచ్-1బీ, ఎల్-1, ఈ-1 వంటి లాంగ్ టెర్మ్ నాన్ ఇమిగ్రెంట్ వర్కర్ల పిల్లలను కూడా ఈ చట్టం పరిధిలోకి తేవాలని వీరు ప్రతిపాదించారు. ప్రస్తుత నిబంధనల ప్రకారం, ఇటువంటి పిల్లలు తమకు 21 సంవత్సరాల వయసు నిండటంతో, తమకు గల డిపెండెంట్ హోదాను కోల్పోతారు. తప్పనిసరి పరిస్థితుల్లో స్టూడెంట్ వీసాకు మారవలసి ఉంటుంది లేదా అమెరికాను విడిచి వెళ్లవలసి ఉంటుంది లేదా మరోచోటకు వలసపోవలసి ఉంటుంది. గ్రీన్ కార్డ్ కోసం దరఖాస్తులు అనేక సంవత్సరాలుగా భారీగా పెండింగ్లో ఉండటం వల్ల భారతీయ కుటుంబాల్లో ఆందోళన పెరుగుతోంది. ఈ బిల్లుకు ఆమోదం లభిస్తే, దాదాపు 1 లక్ష మంది భారతీయ బాలలు గ్రీన్ కార్డ్ పొందడానికి అవకాశం ఉంది. గ్రీన్ కార్డ్ల పరిమితి ఒక దేశానికి 7 శాతం మాత్రమే. దరఖాస్తుదారుల సంఖ్యతో సంబంధం లేకుండా ఈ నిబంధనను అమలు చేస్తుండటంతో పెండింగ్ దరఖాస్తులు విపరీతంగా పెరిగాయి. అయితే, ఈ బిల్లు ఆమోదానికి తగినన్ని ఓట్లు వస్తాయా? అనేది స్పష్టంగా చెప్పడం కష్టం. కానీ అమెరికా ఇమిగ్రేషన్ డిబేట్లో స్పష్టమైన మార్పుకు ఇది సంకేతం.
మరిన్ని వీడియోల కోసం ఇక్కడ క్లిక్ చేయండి
Also Watch:
ప్రపంచంలోనే అత్యంత పొట్టి బర్రె మనదే..
విద్యార్థి ఇంటి ముందు ఉపాధ్యాయులు ధర్నా..
ఆవు పాలు తాగి... ఆస్పత్రికి క్యూకట్టిన జనం.. ఏం జరిగిందంటే
లంచగొండులకు తగిన గుణపాఠం.. వాళ్ళతో పోలుస్తూ.. వినూత్న ర్యాలీ
తల్లి పక్కన నిద్రిస్తున్న శిశువు.. లాక్కెళ్లిన తోడేలు
మనసుల్ని గెలిచిన ఇండిగో పైలట్.. ఒక్క మాటతో
ఇదే బాగుంది గురూ.. అద్దెకు బంగారం.. లక్షలు సంపాదించండి
