కెమెరాకు చిక్కిన‌ అరుదైన జింక.. తెల్లగా మెరిసిపోతూ..వీడియో

ఒక అడవి దగ్గర మంచులో అరుదైన తెల్లటి జింక నిలబడి ఉంది. మంచులో దవళవర్ణంలో మెరిసిపోతూ కనిపించిన ఆ జింకను చూసి ఓ మహిళ ముచ్చటపడిపోయింది. వెంటనే తన కెమెరాలో దాన్ని బంధించింది. అనంత‌రం ఆ వీడియోను సోషల్‌ మీడియాలో పోస్ట్‌ చేసింది. “అద్భుతంగా ఉంది. ఈ జింక గులాబీ రంగు కళ్లను బట్టి నిజమైన అల్బినో అని చెప్పగలం. ఆ సుంద‌ర మ‌నోహార‌ దృశ్యాన్ని మాట‌ల్లో వ‌ర్ణించ‌లేం” అని ఆమె రాసుకొచ్చింది. ప్రస్తుతం ఈ వీడియో నెట్టింట వైర‌ల్ అవుతోంది. వీడియో చూసిన నెటిజ‌న్లు త‌మ‌దైన‌శైలిలో స్పందిస్తున్నారు. అయితే, ఆమె ఈ అరుదైన జింక‌ను ఎక్కడ చూసింది మాత్రం చెప్పలేదు. కానీ వీడియో తెగ వైరల్‌ అవుతూ నెటిజన్లను ఆకట్టుకుంటోంది. ఇక అల్బినో జింకలు అత్యంత అరుదుగా క‌నిపిస్తుంటాయి. ప్రతీ లక్ష జింక జననాలలో ఒకటి మాత్రమే ఇలా శ్వేత వ‌ర్ణంతో ఉంటుంద‌ట‌. నిజమైన అల్బినో జింకలకు మెలనిన్ పూర్తిగా ఉండదు. ఫలితంగా స్వచ్ఛమైన తెల్లటి బొచ్చు, విలక్షణమైన గులాబీ కళ్లు ఉంటాయి