సముద్ర తీరానికి కొట్టుకొస్తున్న ఐఫోన్లు.. ఎగబడిన జనాలు

ప్రపంచ వాణిజ్యానికి అత్యంత కీలకమైన హర్మూజ్ జలసంధి సమీపంలో ఓ భారీ కంటైనర్ నౌక మునిగిపోయిన ఘటన అంతర్జాతీయంగా సంచలనం సృష్టించింది. సింగపూర్ జెండాతో ప్రయాణిస్తున్న ‘జీఎఫ్ఎస్ ప్రైడ్’ అనే నౌక అక్టోబర్ 14న ప్రమాదానికి గురై సముద్రంలో మునిగిపోయింది. దాదాపు 2,500లకు పైగా కంటైనర్లతో వెళ్తున్న ఈ నౌకలో అకస్మాత్తుగా మంటలు చెలరేగాయి. అయితే సకాలంలో స్పందించిన అధికారులు నౌకలోని 21 మంది సిబ్బందిని సురక్షితంగా కాపాడారు. ఎవరికీ ఎలాంటి గాయాలు కాలేదని సింగపూర్ మారిటైమ్ అండ్ పోర్ట్ అథారిటీ స్పష్టం చేసింది. ఈ ప్రమాదం తర్వాత సోషల్ మీడియాలో రకరకాల వీడియోలు విపరీతంగా వైరల్ అవుతున్నాయి. మునిగిపోయిన నౌక నుంచి సముద్రంలో తేలియాడుతున్న కంటైనర్ల నుంచి స్థానిక జాలర్లు ఐఫోన్లు, ఖరీదైన పర్ఫ్యూమ్‌లను ఏరుకుంటున్నట్లు ఆ వీడియోల్లో ప్రచారం జరుగుతోంది. చిన్న పడవల్లో వెళ్లి కంటైనర్లను లాక్కెళ్తున్న దృశ్యాలు నెట్టింట చక్కర్లు కొట్టాయి. అయితే ఈ వైరల్ క్లిప్పులపై ప్రముఖ ఫ్యాక్ట్-చెక్ సంస్థలు జరిపిన పరిశీలనలో విస్తుపోయే నిజాలు వెలుగుచూశాయి. వైరల్ అవుతున్న ఆ వీడియోల్లో చాలా వరకు నకిలీవిగా, కృత్రిమ మేధస్సు సృష్టించినట్లు ఆ సంస్థలు తేల్చాయి. నిజంగానే కంటైనర్లలో ఐఫోన్లు ఉన్నాయా? లేదా స్థానికులు వాటిని ఎత్తుకెళ్లారా? అనేదానికి ఎలాంటి అధికారిక లేదా స్వతంత్ర ఆధారాలు లభించలేదు. మరోవైపు, ఈ నౌక ప్రమాదంపై భిన్న వాదనలు వినిపిస్తున్నాయి. ఇది కేవలం ప్రమాదమా లేక సముద్రంలో అమర్చిన మైన్‌ను ఢీకొట్టడం వల్ల జరిగిందా అనే దానిపై ‘ఇరాన్ ఇస్లామిక్ రివల్యూషనరీ గార్డ్ కార్ప్స్’ అనుమానాలు వ్యక్తం చేస్తోంది. ఉద్రిక్తతలు నిండిన ఈ జలమార్గంలో జరుగుతున్న పరిణామాలు ప్రపంచ దేశాలను కలవరపెడుతున్నాయి.

మరిన్ని వీడియోల కోసం ఇక్కడ క్లిక్ చేయండి

Also Watch:

గుడిముందు జుట్టు జుట్టు పట్టుకొని కొట్టుకున్న మహిళలు

టైప్-1 షుగర్‌ బాధలకు చెక్‌! 14 ఏళ్ల వరంగల్ కుర్రాడి జీవితమే దీనికి ఉదాహరణ!

నగరంలో పెరుగుతున్న నీటి కొరత.. భవిష్యత్తులో తప్పని ఇబ్బందులు!

Lucky Draw: ఆహా అదృష్టం అంటే ఇతనిదే.. టీ స్టాల్‌ నుంచి బార్‌ ఓనర్‌గా