TV9 Ismart News: రాజయ్య అంగిల జొర్రి ఆగం పట్టిచ్చిన తొండ | బతుకమ్మ స్టెప్పులతో మల్లన్న సందడి.!

దొంగకు శెప్పే లాభమంటరు.. కని నిన్నియాల దొంగోల్లెవ్వలు ఆ పని చేస్తలేరు.. వాళ్లగ్గూడ సంపాదన మార్గాలు ఎర్కయితున్నయ్.. అప్డేటెడ్ వర్షన్లను అందిపుచ్చుకుంటున్నరు.. కని ఇసంటి కాలంలగూడ ఇంకా ట్రెడిషనల్గ శెప్పుల దొంగతనాలను పాలో అయితుండుల్లా గీడెవడోగనీ.. ఇగ సూడుర్రి ఏడనో..

ఎవలన్న మామూలుగ డ్రైనేజి నీళ్లల్ల కాళ్లో, శేతులో వెట్టమంటె పెడతరా? పోనీ అండ్డొక వందరూపాల నోటు వారేశి.. దాన్ని శెయ్ తోని తియ్యమంటె తీస్తరా? ఎహె.. పో.. గా వంద రూపాలకోసం డ్రైనేజి నీళ్లల్ల శెయ్ వెట్టాల్నా అనంటరు.. కదా? కని గీడ కొంతమంది సూడుర్రీ.. డ్రైనేజి నీళ్లల్ల ఎట్ల శేతులు వెడ్తున్నరో..

మన ఆయుష్ కూడ చైనా పీస్ల లెక్కనే. నో వారంటీ నో గ్యారెంటీ..యే నిమ్షానికి ఏమైతదో… ఎప్పుడ పోతమో చెప్పలేం..రాగల ఇర్వై నాల్గు గంటల్లనే కాదు రాగల వారం రోజుల్ల వాతవవర్ణం ఎట్లుంటదో తెల్సుకునే టెక్నాల్జీ పెర్గింది గాని ఎ టైంల మన ఆయుషు పోతదో చెప్పే టెక్నాల్జీ ఇంత వరకు లేదు.. ఇప్పటిదాంక మనతోని మాట్లాడి మంచిగున్న మన్షి జర్రాగినంక ఉంటడా ఉండడా అనేది కూడ తెల్వది.నెరీ కరోనా తర్వాత మన్షులైతే చెట్లమీద ఆకులు రాలిపోయినట్టే రాలిపోతుండ్రు.. ఒకప్పుడు గుండే పోట్లంటే యాబై అర్వై ఏండ్లు దాటినోల్లకొచ్చిది..కరోనా తర్వాత శానమంది చిన్నోల్ల కాన్నుంచి ముప్పై నల్బో ఏండ్లోల్లే గుండెపొట్లచ్చి పట్ట పట్ట రాలిపోతుండ్రు.

గ్రామ పంచాయితీ ఆఫీసంటె.. ఫైళ్లు, కంప్యూటర్లు, రికాడ్లు, సర్టిఫికేట్లు.. సర్వం అండ్లనే ఉంటై. ఒక రకంగ చెప్పాలంటె.. ఊరి జాతకమంత అండ్లనే ఉంటది. పొరపాట్న అండ్లుండే కంప్యూటర్లకేలి డాటా మిస్సయినా.. ఫైళ్లు మిస్సయినా శిన్న కథుంటదా? అగొ అంత ఇంపార్టెంట్ ఆఫీసును, ఎంత పైలంగ సూస్కోవాలె ఏంకథ.. కనిగొ.. గీ ఊల్లె గ్రాంపంచాయితీ ఆఫీస్ కథ సూడుర్రి ఎట్లుందో?

బతుకమ్మలంటె.. గుణుగు, తంగేడు, ముత్యాలపువ్వు, కట్లపువ్వు, బంతి చిట్టిచామంతి.. అనిట్ల ఓ పదితీర్ల పూలతోటి వేర్శి, అందరొక్కతీర్గ సప్పట్లు కొట్టుకుంట, పాటలు పాడుకుంట ఆడుకునేటోల్లు అప్పట్ల.. కనిప్పుడు టైం మారింది, బతుకమ్మల స్టయిల్ మారింది.. సప్పట్లకు బదలు, కోలాటాలొచ్చినై.. సొంతంగ పాటలు వాడుడు బందై, డీజే పాటల హవానే నడుస్తుంది.

పోలీసోల్లంటె రక్షక భటులన్న పేరేగనీ.. ఆ పేరును సార్థకం చేసుకునే పనులు పెద్దగేమంత చేశినట్టు అన్పియ్యదని ఫీలైతుంటరు శానమంది.. అయితె ఏ పోలీసోల్ల ముచ్చటేమొగనీ.. రైల్వే స్టేషన్లల్ల ఉండే పోలీసోల్లు మాత్రం.. ఆ పేరును సార్థకం చేశి సూపెడ్తుంటరు అప్పుడప్పుడు.. ఇగొ.. యమభటులు తాడేశి రిజర్వ్ చేసుకున్న ఒక ప్యాసెంజర్ను ఎట్ల కాపాడిండో సూడు గీ పోలీసన్న..

స్టేషన్ ఘన్పూర్ ఘనుడు రాజన్న ఒడిపోయి పురాగ నల్లపూసైపోయిండు గాని లేదంటే ఊకే వార్తల్లొస్తుండేది.. బుజ్జవ్వలతోటి బువ్వ తిన్పిచ్చుకుంట, ఎంబడుండేటోల్లతోటి ఎకసెక్కాలు ఆడకుంట రాజన్న తెలంగాణ శశిథరూర్ సార్లెక్క కానొచ్చేటోడు. అసోంటి సారియ్యాల రైతుల కోసం తొర్రూర్కాడ పెట్టిన మహాధర్నకు పోతే రాజన్న దోతిశింగుల్ల ఎక్కి ఓ తొండ శిన్న పర్షాన్ చేయ్యలేదట.. ఏందో మనంకూడ అర్సుకుందాం పార్రి.!

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.