Nellore cow: రికార్డు ధర.. రూ.35 కోట్లు పలికిన నెల్లూరు ఆవు.. ఇదే దీని ప్రత్యేకత..

ఒక లోకల్‌ ఆవు ప్రపచం రికార్డు సృష్టించింది. అవును నెల్లూరు జాతికి చెందిన ఓ ఆవు ఏకంగా ప్రపంచంలోనే అత్యధిక ధర పలికి వరల్డ్‌ రికార్డు క్రియేట్‌ చేసింది. ఆంధ్రప్రదేశ్‌లోని నెల్లూరు ఆవులకు ఓ ప్రత్యేక ఉంది. వాటిని కొన్ని దశాబ్దాల క్రితం బ్రెజిల్‌ తీసుకెళ్లి అక్కడ వాటి జన్యు లక్షణాలను అభివృద్ధి చేసారు. అలాంటి ఓ ఆవు ఇటీవల బ్రెజిల్‌లో నిర్వహించిన వేలంలో ఏకంగా రూ.35 కోట్ల ధర పలికి ప్రపంచంలోకెల్లా అత్యంత ఖరీదైన ఆవుగా నిలిచింది.

వియాటినా–19 ఎఫ్‌4 మారా ఇమ్‌విస్‌ అనే నాలుగున్నరేళ్ల ఆవు ఏకంగా 11 కోట్ల 82 లక్షలకు అమ్ముడుపోయింది! గతేడాది ఈ ఆవు సగం యాజమాన్య హక్కుకింద 6.5 కోట్లు పలికి అప్పట్లోనే రికార్డు సృష్టించింది. ఇప్పుడు ఆ రికార్డు బద్దలైంది. తాజాగా ఈ ఆవు ధర 35.30 కోట్లు పలికింది. అత్యంత నాణ్యౖ­మెన జన్యులక్షణాలు కలిగిన బ్రెజిల్‌లోని నెల్లూరు జాతి ఆవులను సొంతం చేసుకొనేందుకు డెయిరీ వ్యాపారులు పోటీపడతారు. కోట్లు వెచ్చించి వాటిని కొనుగోలు చేస్తారు. బ్రెజిల్‌లోని వీటిని ఎక్కువగా మాంసం కోసం పెంచుతారు. వీటి మాంసంలో కొవ్వు తక్కువగా ఉండటం వల్ల చాలా దేశాల్లో ఈ ఆవుల మాంసానికి విపరీతమైన డిమాండ్‌ ఉంది. ప్రస్తుతం బ్రెజిల్‌లో 16.70 కోట్ల నెల్లూ­రు జాతి ఆవులు ఉన్నాయి. ఈ జాతికి చెందిన శ్రేష్టమైన ఎద్దు­ల వీర్యం సైతం లక్షల ఖరీదు పలుకుతుంది. ఏకంగా అర మిల్లీ లీటర్‌ వీర్యం 4 లక్షల రూపాయలు పలుకుతుందంటే వీటి గొప్పతనం ఏంటో తెలుస్తోంది. ఈ జాతి ఆవులు అత్యధిక ఉష్ణోగ్రతలను సైతం తట్టుకోగలవు. రోగ నిరోధక శక్తి ఎక్కువగా ఉండంతో ఎలాంటి వైరస్‌లు వీటి దరి చేరవు. అంతేకాదు వీటి పెంపకానికి సరైన పద్ధతులు పాటించకపోయినా ఆరోగ్యంగా పెరగుతాయి.

మరిన్ని వీడియోస్ కోసం:
Videos
Tamannaah: సిగ్గెందుకు..? నా ప్రియుడితోనే శృంగార సీన్లు చేశాగా..: తమన్నా
Lokesh Kanagaraj – Prabhas: లోకి with ప్రభాస్‌..డెడ్లీ కాంబో.. ఇక పునకాలే..! గెట్ రెడీ..!
Viral Video: ‘నన్నే డబ్బులు అడుగుతావా.. నీ షాపు ఎలా తెరుస్తావో చూస్తా..! ఓ పోలీస్‌ ఓవరాక్షన్‌...