Viral Video: కేజీ 2 రూపాయలే అనే సరికి కడుపు మండింది.. 5 టన్నుల బెండకాయలను..

ఈ కూరగాయలు పండించే రైతులకు విచిత్ర పరిస్థితి ఉంటుంది. ధర ఎప్పుడు పెరుగుతుందో తెలీదు.. అమాంతం ఎప్పుడు పడిపోతుందో తెలీదు. నిన్నమొన్నటి వరకు టమాటా ఎలా ఎగబాకిందో మనందరం చూశాం. స్థితిమంతులు ఇళ్లల్లో మాత్రమే వండే కూరగాయగా అది మారిపోయింది. పండించిన రైతులకు కోట్లు కురిపించింది. కానీ ఇప్పుడు ధర భారీగా తగ్గిపోయింది. కేజీ టమాట 10 రూపాయలకు కూడా లభిస్తోంది. టమాటా మాత్రమే కాదు.. మిగిలిన కూరగాయల ధరలు కూడా నేలముఖం చూస్తున్నాయి. బెండ పండించిన రైతుల పరిస్థితి అయితే మరీ అధ్వానంగా ఉంది. ధర కేజీ 2 రూపాయలు మాత్రమే ఉండటంతో.. కనీసం ట్రాన్స్‌పోర్టేషన్ ఖర్చులు కూడా రావడం లేదు. దీంతో తీవ్ర మనోవేదనతో ఓ రైతు దాదాపు ఐదు టన్నుల బెండకాయల్ని చెరువులో పడేశాడు. తమిళనాడు రాష్ట్రంలో జరిగిన ఈ ఘటన ఇప్పుడు నెట్టింట వైరల్ అవుతుంది.