1BHK House: రూ. 2.5 కోట్లకు 1BHK.. ఫ్లాట్‌ టూర్ వీడియో వైరల్‌.. ప్రత్యేకతలు ఇవే..!

దేశ ఆర్థిక రాజధాని.. ఆకాశాన్నంటే భవనాలు, అద్భుత కట్టడాలు.. అర్థరాత్రి కూడా పగలులా వెలిగిపోయే నగరం. ఇదంతా నాణేనికి ఒకవైపు మాత్రమే. మురికివాడలు, కాళ్లు చాపుకునేందుకు కూడా జాగా లేని ఇళ్లు మరోవైపు. దేశంలో ఖరీదైన నగరాల్లో ఒకటైన ముంబైలో పడుకునేంత జాగా ఉన్న గది కిరాయికి తీసుకోవాలనుకున్నా రూ.10వేలు చెల్లించాల్సిందే. అంత మొత్తం చెల్లించేందుకు ముందుకొచ్చినా రూం దొరకడం కష్టమే. ముంబైలోని చాలా ప్రాంతాల్లో ఎటుచూసినా చిన్న చిన్న ఇళ్లు, ఇరుకిరుకు అపార్ట్మెంట్లు కనిపిస్తాయి. తాజాగా ముంబైకి చెందిన ఓ ఇన్స్టాగ్రామ్ యూజర్ హౌస్ టూర్ పేరుతో పోస్ట్ చేసిన వీడియో వైరల్ గా మారింది. అందులో సదరు యువకుడు సౌత్ బాంబేలోని 1BHK ఫ్లాట్ టూర్ చూపించాడు. ఆ ఫ్లాట్ రేటు కేవలం రూ.2.5 కోట్లు మాత్రమే అని చెప్పాడు. అది చూసిన నెటిజన్లలో కొందరు ఆశ్చర్యపోతే.. మరికొందరి అయ్యో అంత చిన్న ఇంట్లో ఎలా ఉంటారని ఆశ్చర్యపోతున్నారు. సుమిత్ పాల్వే అనే వీడియో క్రియేటర్ పోస్ట్ చేసిన హోం టూర్ వీడియోలో ఇంట్లోకి అడుగుపెట్టగానే ఓ చిన్న రూం ఉంది. అందులోనే ఒక బెడ్ ఉంది. ఆ రూం నుంచి లోపలికి వెళ్తే అక్కడో చిన్న కిచెన్ ఉంది. అందులోనే ఓ మనిషి నిలబడేంత చోటున్న అటాచ్డ్ బాత్రూం కనిపిస్తుంది. అక్కడి నుంచి పైకి వెళ్తే పైన చిన్న బాల్కనీ ఉన్న ఈ ఫ్లాట్ రేట్ కేవలం రూ.2.5కోట్లేనని, ఎవరు వచ్చినా చూపిస్తానని సుమిత్ పాల్వే చెప్పాడు. సుమిత్ ఆజావో దిఖాదూంగా అనే క్యాప్షన్తో ఇన్స్టాలో ఈ వీడియో పోస్ట్ చేశాడు. సౌత్ బాంబే అంటే ఆ మాత్రం కాంప్రమైజ్ కావాల్సిందేనంటూ రియల్ ఎస్టేట్ ఏజెంట్లను ఇమిటేట్ చేసేలా ఉన్న వీడియోకు ఇన్స్టాగ్రాంలో ఇప్పటి వరకు లక్షకుపైగా లైక్స్ వచ్చాయి.

మరిన్ని వీడియోస్ కోసం:
Videos

Allu Arjun: నేషనల్ అవార్డు విన్నర్స్.. ఈ అవార్డు ప్రైజ్‌ మనీ తెలిస్తే షాకవుతారు..!

Mahesh Babu: హాలీవుడ్‌ గడ్డపై మహేష్‌ దిమ్మతరిగే రికార్డ్‌.. సౌత్ లోనే ఒక్క మగాడిగా రికార్డు.

Viral Video: ప్రభుత్వ స్కూల్ టీచర్స్ ఓవర్ యాక్షన్.. నుదుట బొట్టు, తలలో పూలతో వచ్చారని శిక్ష..