Miss AI – Zara Shatavari: అందాల పోటీల్లో ముందున్న ముద్దుగుమ్మ ‘జారా’.. జారాది కళ్లు.. చెదిరే అందం.!

అంతర్జాతీయ అందాల పోటీల్లో భారత్‌కు చెందిన జారా శతవరీ వందలమందిని వెనక్కినెట్టి టాప్‌-10లో ఒకరిగా నిలిచింది. ఇందులో మతలబు ఏమిటంటే.. ఈ జారా అమ్మాయి కాదు, అసలు మనిషే కాదు. కృత్రిమ మేధతో సృష్టించిన ఓ ‘డిజిటల్‌ భామ’! నిజమైన అమ్మాయిలు కాదంటే నమ్మశక్యం కాని ఈ ఊహా సుందరుల కోసం ‘ఫ్యాన్‌వ్యూ’ అనే సంస్థ అందాల పోటీలకు సిద్ధమైంది. ‘మిస్‌ వరల్డ్‌’ పోటీల్లాగే ఇందులో గెలిచినవారికి ‘మిస్‌ ఏఐ’ టైటిల్‌ ఇవ్వనుంది. ప్రపంచంలో ఈ తరహా పోటీ ఇదే తొలిసారి. ఈ పోటీల్లో పలు దేశాల నుంచి 1,500 మంది ఏఐ మోడల్స్, ఇన్‌ఫ్లుయెన్సర్లు పోటీపడ్డారు. వీరి నుంచి ‘టాప్‌ 10’ ఫైనలిస్టులను ఎంపికచేయగా.. భారత్‌కు చెందిన జారా అందులో చోటు దక్కించుకుంది. భారత్‌లోని ఓ మొబైల్‌ యాడ్‌ ఏజెన్సీ సహ వ్యవస్థాపకుడు రాహుల్‌ చౌధరీ జారాను సృష్టించారు. ఈమె ఓ వెబ్‌సైట్‌ను నిర్వహిస్తూ మహిళలు ఎక్కువగా ఎదుర్కొనే సమస్యలపై అవగాహన కల్పిస్తోంది. న్యాయనిర్ణేతలు ఈ భామల చూపులు, ఉపయోగించిన సాంకేతికత, సోషల్‌ మీడియాలో అవి చూపుతున్న ప్రభావం వంటి అంశాలను పరిగణనలోకి తీసుకొని విజేతను ఎంపిక చేస్తారు.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.