ఆ ఊరి కుక్కలన్నీ వారికి నేస్తాలే.. శునకాల సేవలో ఆధ్యాత్మిక ఆనందం
Updated on: Nov 15, 2025 | 9:27 PM
మహబూబాబాద్లోని పింగిళి కుటుంబం 36కు పైగా వీధి కుక్కలను చేరదీసి, ప్రేమగా సంరక్షిస్తోంది. రిటైర్డ్ డ్రాయింగ్ మాస్టర్ శ్రీనివాసరావు దంపతులు, కూతురు కలిసి నిత్యం లక్షన్నర రూపాయలు ఖర్చు చేస్తూ వాటికి ఆహారం, వైద్యం అందిస్తున్నారు. అనారోగ్యంతో బాధపడే కుక్కలను చేరదీసి, మానవత్వంతో వాటికి కొత్త జీవితాన్ని ప్రసాదిస్తున్నారు. వారి నిస్వార్థ సేవ ఎందరికో ఆదర్శం.
వీధికుక్క కనపడితే చాలు రాయి అందుకుని కొట్టడం చేస్తుంటారు. కానీ ఇక్కడో కుటుంబం మాత్రం మూగజీవుల పట్ల మమకారాన్ని పంచుతూ మానవత్వానికి నిజమైన నిర్వచనంగా నిలుస్తోంది. వీధి కుక్కలను చేరదీసి ఇళ్లంతా సందడిగా మార్చడమే కాదు.. వాటికి కడుపునిండా ఆహారం పెట్టడం.. వాటి ఆరోగ్య పరిరక్షణ. ఆ కుటుంబానికి ఒక ఆధ్యాత్మిక ఆనందమైపోయింది. మహబూబాబాద్ జిల్లా కేంద్రంలోని ఈదులపూసపల్లి గ్రామానికి చెందిన ఈ దంపతుల పేర్లు పింగిళి శ్రీనివాసరావు. ఆయన సతీమణి ప్రసన్నలక్ష్మి, వాళ్ల కూతురు దీపిక. శ్రీనివాస్ రావు డ్రాయింగ్ మాస్టర్గా పనిచేసి రిటైర్డ్ అయ్యాడు. ఇంటి సభ్యులు ముగ్గురే. కానీ ఈ ఇంట్లో శునకాలే 36కు పైగా ఉన్నాయి. వీధి కుక్కలు అంటే ఈ కుటుంబానికి ఎక్కడ లేని ప్రేమ ఆప్యాయత.. ముఖ్యంగా అనారోగ్యంతో దీనంగా ఎదురు చూస్తున్న వీధికుక్కలను చూస్తే వీళ్ళ మనసు చెలించిపోతుంది. వాటిని చేరదీసి సపర్యలు చేసి, ఆరోగ్యం మెరుగైన శునకాలను వారి సొంత పిల్లలుగా భావిస్తూ పోషిస్తున్నారు.. ఇలా చేరదీసిన శునకాల సంఖ్య ప్రస్తుతం 36కు చేరుకున్నాయి. ఈ శునకాల పోషణకు ప్రతి రోజూ 10 లీటర్ల పాలు, 10 కిలోల బియ్యం, కూరగాయలు, పెంపక సామాగ్రి సిద్ధం చేస్తారు.. ఇది మాత్రమే కాదు.. వీధుల్లో తిరిగే ఇతర శునకాలకు కూడా ప్రేమతో ఆహారం అందిస్తున్నారు. వాటి ఆహారం, వైద్య చికిత్సలకు నెలకు లక్షన్నర రూపాయలు ఖర్చవుతున్నా ఏ మాత్రం వెనకడుగు వేయడం లేదు. చేరదీసిన శునకాల రోజుని బట్టి వాటి బర్త్ డేగా గుర్తించి ప్రతి సంవత్సరం కేక్ కట్ చేసి బర్త్ డే వేడుకలు నిర్వహిస్తారు. పద్నాలుగేళ్ల క్రితం పట్టణం లోని ఇల్లందు రోడ్డుపై గాయాలతో విలవిలలాడుతున్న ఓ వీధి కుక్కను చూసిన వీళ్ళ కూతురు దీపిక చేరదీసింది. ఆ దుఃఖాన్ని తట్టుకోలేక దానికి చికిత్స చేయించింది.. దాని ప్రాణం కాపాడింది.. అప్పటి నుంచి, అనారోగ్యంతో లేదా గాయాలతో బాధపడే శునకాలను చూస్తే ఈ కుటుంబం తట్టుకోలేరు.. వాటిని చేరదీసి వాటిపట్ల ప్రేమ ఆప్యాయతను పంచుతూ ప్రేమతో సంరక్షిస్తూ వస్తున్నారు. ప్రతి రోజు శునకాలకు అయ్యే ఖర్చు వాళ్లకు వస్తున్న పెన్షన్ డబ్బుల తోటే పోసిస్తున్నారు.. శునకాల పట్ల ఈ కుటుంబం చూపే మమకారాన్ని చూసి ప్రతిఒక్కరూ ఆశ్చర్యపోతున్నారు.. ఆ ఇళ్లంతా శునకాలే ఉండడంతో ఆ ఇంటికి వెళ్లాలంటే కోడా ఇతరులకు వణుకు పుడుతోంది.
మరిన్ని వీడియోల కోసం ఇక్కడ క్లిక్ చేయండి
Also Watch:
Telangana: రైతన్నలకు తెలంగాణ సర్కార్ గుడ్న్యూస్
పెళ్లికి ఎక్స్పైరీ డేట్ ఉండాలి.. సంచలన వ్యాఖ్యలు చేసిన స్టార్ హీరోయిన్
వీడసలు టీచరేనా.. విద్యార్థినిని ఏమార్చి.. అలా ఎలా చేసాడు… చిన్న పిల్లరా
డ్రైవర్పై కోపంతో బస్సుకు నిప్పంటించిన క్లీనర్
తల్లిపై కూతురు పోటీ.. ఆసక్తిగా మారిన పంచాయతీ పోరు..
రోడ్డు పక్కన నిలిపి ఉన్న కారు.. డోర్ తెరవగానే
కోటి రూపాయల ఫ్యాన్సీ నెంబర్ వేలంలో బిగ్ ట్విస్ట్
కిడ్నీ ఇచ్చి.. ప్రాణం పోసిన తండ్రి
కొడుకు కోసం భార్యాభర్తల మధ్య పంచాయితీ.. కట్ చేస్తే..
ప్రియుడి మృతదేహాన్ని పెళ్లి చేసుకుని.. కన్నీళ్లు పెట్టిన యువతి
