కళ్యాణమండపానికి వచ్చిన అనుకోని అతిథి
పామును చూడగానే ఎవరికైనా భయంతో ఒళ్లు జలదరిస్తుంది. కొందరికైతే పాము పేరు చెప్పగానే భయంతో వణికిపోతారు. మరి అలాంటిది ఓ భారీ కొండచిలువ కళ్లముందు ప్రత్యక్షమైతే పరిస్థితి ఎలా ఉంటుంది? భయంతో అక్కడినుంచి పరుగులు తీస్తారు కదూ. సరిగ్గా అదే జరిగింది జగిత్యాల జిల్లాలో. ఓ కళ్యాణమండపం సమీపంలో రాత్రి వేళ భారీ కొండచిలువ జనాలను పరుగులు పెట్టించింది.
జగిత్యాల పట్టణంలోని పద్మనాయక కల్యాణ మండపం వద్ద భారీ కొండచిలువ ప్రత్యక్షమైంది. దీన్ని చుసిన స్థానికులు భయభ్రాంతులకు గురయ్యారు. విషయం తెలిసి చుట్టు పక్కలవారు కూడా అక్కడ గుమిగూడారు. ఓ షాపులోని షెట్టర్ మీదుగా లోపలికి వెళ్లేందుకు ప్రయత్నిస్తున్న ఆ కొండ చిలువను చూసి ఆందోళన చెందారు స్థానికులు. వెంటనే పోలీసులకు సమాచారమిచ్చారు. సమాచారం అందుకున్న పోలీసులు అటవీ సిబ్బందిని వెంటపెట్టుకొని ఘటనాస్థలికి చేరుకున్నారు. కొండచిలువను జాగ్రత్తగా బంధించి అడవిలో వదిలిపెట్టారు. దీంతో అందరూ ఊపిరి పీల్చుకున్నారు. ఎప్పుడూ జనాలు ఎక్కువగా సంచరించే ఆ ప్రాంతంలోకి కొండచిలువ రావడంతో స్థానికులు తీవ్ర భయాందోళనకు గురయ్యారు. పిల్లలు ఎవరైనా తెలియక అటు వస్తే పరిస్థితి ఏంటని చర్చించుకున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
వ్యాపారులకు దొంగబాబాల బురిడీ.. పౌడర్ చల్లి.. డబ్బుతో పరార్
మహిళలకు ఆన్లైన్ ఉగ్రవాద కోర్సు
అమెరికా విద్యార్థి వీసా రూల్స్ మరింత కఠినం.. భారత విద్యార్థులకు ఇబ్బందే