75 ఏళ్లుగా చెక్కుచెదరలేదు.. ఈ రోడ్డు లోగుట్టును మీరు తెలుసుకోవాల్సిందే!వీడియో

అది కూడా 1949లో ‘చెట్టినాడు’ సంప్రదాయ పద్ధతిలో ఆవాలు, కరుప్పట్టి (తాటి బెల్లం లాంటిది), సున్నం మొదలైన సహజ మిశ్రమాలతో ఈ రోడ్డును వేశారు. ఇలాంటి మార్గాలను ‘స్లర్రీ రోడ్లు’గా పిలుస్తారు. అప్పుడు వేసిన ఈ దారి 75 ఏళ్లుగా చెక్కుచెదరకుండా నేటికీ వినియోగంలో ఉంది. డ్రైనేజీ పనుల కోసం ఈ రోడ్డును తవ్వడానికి మున్సిపల్‌ కార్పొరేషన్‌ రెండుసార్లు ప్రయత్నించింది. అయితే సామాజిక కార్యకర్తలు అందుకు ఒప్పుకోకపోవడంతో కార్పొరేషన్‌ వెనక్కు తగ్గింది. అనంతరం రోడ్డు పక్కన మూడు చోట్ల గోతులు తవ్వి డ్రైనేజీ పనులు చేపట్టారు. ప్రస్తుతం ఈ రహదారిని తారురోడ్డుగా మార్చడానికి కార్పొరేషన్‌ చర్యలు చేపడుతున్నట్లు తెలుస్తోంది. ఈ నేపథ్యంలో దీనిని సంప్రదాయ పర్యాటకరోడ్డుగా ప్రకటించాలని కారైక్కుడి ప్రజలు ప్రభుత్వాన్ని కోరుతున్నారు. పురాతనమైన ఈ మార్గంలో రోజుకు 50కి పైగా లారీలు భారీ లోడుతో వెళ్తుంటాయని, అయినా ఎక్కడా గుంతలు పడలేదన్నారు. ఇంకో 50 ఏళ్లయినా ఇది అలానే ఉంటుందని స్థానికులు పేర్కొన్నారు. అందుకే ఈ రోడ్డును అలాగే ఉండనివ్వాలన్నారు.