Viral: మా నాన్న పోలీస్.. నాకేం కాదు.! కారుపై యువకుడు హల్‌చల్‌.. వీడియో.

తాజాగా ఓ యువకుడు తండ్రి అధికారాన్ని అడ్డం పెట్టుకొని తనకేం కాదని, తననెవరూ అడ్డుకోలేరని భావించి కారు బ్యానెట్‌పై కూర్చొని ప్రయాణిస్తూ హల్‌చల్‌ చేశాడు. ఈ ఘటన హర్యణాలో చోటుచేసుకుంది. సోషల్‌ మీడియాలో వైరల్‌ అవుతున్న ఆ వీడియోలో ఓ యువకుడు మహీంద్రా థార్‌ వాహనం బానెట్‌పై కూర్చుని ప్రయాణించాడు. అతని స్నేహితులు అతన్ని మరికొన్ని కార్లతో అనుసరించారు. ఈ చర్యపై సదరు యువకుడు స్పందిస్తూ.. దీనిపై పోలీసులు కేసు నమోదు చేసినా పర్లేదని, పోలీస్ అయిన తన తండ్రి తనను రక్షిస్తాడని చెప్పుకొచ్చాడు. ఈ వీడియోపై నెటిజన్లు తీవ్రంగా స్పందించారు. హర్యానాలో ఏం జరుగుతోందని, కుమారుడు ఇలాంటి ప్రమాదకర, పిచ్చి పనులు చేస్తుంటే తండ్రి అతడిని రక్షిస్తాడా? అని ఓ యూజర్ ఆగ్రహం వ్యక్తం చేశాడు. ముందు అతడి తండ్రిని ఉద్యోగం నుంచి తొలగించాలని మరో యూజర్ అభిప్రాయపడ్డారు. ఇది చాలా ప్రమాదకరమని, ఓ కుర్రాడు ఇలానే కూర్చుని ప్రయాణిస్తూ స్పీడ్ బ్రేకర్ వద్ద కిందపడి తలపగిలి అక్కడికక్కడే మరణించాడని ఇంకో యూజర్ పేర్కొన్నాడు. యువకుడిపై చర్యలు తీసుకోవాలంటూ డిమాండ్లు వెల్లువెత్తుతున్నాయి.కాగా ఈ వీడియో నెల రోజుల క్రితంనాటిదే అయినా… మరోసారి నెట్టింట వైరల్‌ అవుతోంది. ఏకంగా 3.5 కోట్ల మంది వీక్షించారు.

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.