Daughter-Father: ‛దృశ్యం’ సినిమా పది సార్లు చూసి.. తండ్రిని హ‌త్య చేసిన కూతురు..! ఎందుకో తెలుసా..?

మనషుల్లో రాను రాను మానవత్వం మంటగలుస్తోంది. బంధాలు, అనుబంధాలు మరిచి రక్తసంబంధీకులనే కడతేరుస్తున్నారు. త‌న ప్రేమ‌కు అడ్డు ప‌డుతున్న తండ్రిని ప్రియుడితో హ‌త్య చేయించింది ఓ కూతురు. ఈ హ‌త్యకు ఆమె త‌ల్లి కూడా స‌హ‌క‌రించింది. దృశ్యం సినిమా ప‌ది సార్లు చూసిన త‌ర్వాత ఈ దారుణానికి పాల్పడిన‌ట్లు నిందితులు తెలిపారు. క‌ర్ణాట‌క‌లోని బెళ‌గావిలో జరిగిన దారుణ ఘ‌ట‌న ఆల‌స్యంగా వెలుగు చూసింది. సుధీర్ కాంబ్లే, రోహిణి దంప‌తుల‌కు స్నేహ అనే కుమార్తె ఉంది. కొంతకాలం దుబాయ్‌లో పని చేసి ఇండియాకు తిరిగొచ్చిన సుధీర్ రెండేళ్ళుగా బెళగావిలో రియల్ ఎస్టేట్ వ్యాపారం చేస్తున్నాడు. స్నేహ పుణెలో హోట‌ల్ మేనేజ్‌మెంట్ కోర్సు చ‌దువుతోంది. ఈ క్రమంలో ఆమె త‌న క్లాస్‌మేట్ అక్షయ్ విఠ‌క‌ర్‌తో ప్రేమ‌లో ప‌డింది. ఇటీవ‌ల పుణె నుంచి త‌న ఇంటికి తిరిగొచ్చిన స్నేహ తన ప్రేమ విష‌యం సుధీర్‌కు తెలిసింది. అయితే చ‌దువుపై దృష్టి సారించాల‌ని తండ్రి ఆమెను మంద‌లించాడు. దీంతో తండ్రిపై క‌క్ష పెంచుకున్న స్నేహ.. ఎలాగైనా తండ్రిని చంపాల‌ని త‌ల్లికి, ప్రియుడికి చెప్పింది. ఆ త‌ర్వాత ముగ్గురు క‌లిసి దృశ్యం సినిమాను ప‌ది సార్లు చూశారు. స‌మ‌యం కోసం వేచి చూశారు. ఇక, సెప్టెంబ‌ర్ 17వ తేదీన పుణె నుంచి అక్షయ్‌ను బెళ‌గావికి ర‌ప్పించారు. ఇంటి పై అంత‌స్తులో నిద్రిస్తున్న సుధీర్‌ కాళ్లు చేతులను తల్లీకూతుళ్లు ప‌ట్టుకోగా, అక్షయ్ క‌త్తితో విచ‌క్షణార‌హితంగా పొడిచి చంపాడు. ప్రాణాలు కోల్పోయాడ‌ని నిర్ధారించుకున్న త‌ర్వాత‌, అక్షయ్ పుణె వెళ్లిపోయాడు. పైగా త‌న భర్తను గుర్తు తెలియని వ్యక్తులు చంపార‌ని రోహిణి పోలీసుల‌కు ఫిర్యాదు చేసింది. ఘ‌ట‌నాస్థలికి చేరుకున్న పోలీసులు మృత‌దేహాన్ని స్వాధీనం చేసుకున్నారు. తమదైన శైలిలో తల్లీకూతుళ్లను విచారించ‌గా, చేసిన నేరాన్ని అంగీక‌రించారు. ముగ్గురిని అరెస్ట్ చేసి రిమాండ్‌కు త‌ర‌లించారు.

మరిన్ని వీడియోస్ కోసం:
Videos

Boys rent for girls: అమ్మాయిల కోసం అద్దెకు అబ్బాయిలు.! గంటకు ఇంత లెక్కన కిరాయికి బాయ్‌ ఫ్రెండ్‌..

Russia bat: ముంచుకొస్తున్న మరో డేంజరస్‌ వైరస్‌.. రష్యాలో కనుగొన్న కొత్తరకం వైరస్.. ఎలా సోకుతుందంటే!