Valley Waterfall: పాలా.. నీళ్లా అనేలా భ్రమింపచేస్తున్న ప్రకృతి అందం.. నెటిజన్ల మనసుదోస్తున్న జలపాతం..
ప్రకృతిలో ఎన్నో అందాలు నిండి ఉన్నాయి. ప్రకృతి ప్రేమికులు వీటిని చూసేందుకు ఉవ్విళ్లూరుతుంటారు. అందులో జలపాతాలు ప్రత్యేకంగా చెప్పుకోవచ్చు. ఆకాశంనుంచి జారి పడుతున్నాయా అన్నట్టుగా కనువిందు చేసే జలపాతాలంటే ఇష్టపడనివారుండరు.
దివి నుంచి భువికి జాలువారే నీటి అందాలను చూడాలని ప్రతి ఒక్కరికీ ఉంటుంది. సాధారణంగా జలపాతాలన్నీ కూడా ప్రకృతి సిద్ధమైనవే. అయితే ఒక్కో జలపాతానికి ఒక్కో ప్రత్యేకత ఉంటుంది. వర్షా కాలంలో అవి మరింత కనువిందు చేస్తుంటాయి. జలసవ్వడులతో కొండల మధ్యనుంచి జాలువారుతూ ఆకర్షిస్తుంటాయి. అలాంటి జలపాతాల్లో అరుణాచల్ ప్రదేశ్లోని దిబంగ్ వ్యాలీ వాటర్ఫాల్స్ ఒకటి.ఈ జలపాతం ప్రస్తుతం ప్రకృతి ప్రేమికుల్ని విపరీతంగా ఆకట్టుకుంటోంది. పాలధారలా కొండపై నుంచి కిందకు జాలువారుతూ నెటిజన్లను విశేషంగా ఆకర్షిస్తోంది. పాలా..? నీళ్లా..? అని భ్రమపడేలా ఉన్న ఈ జలపాతానికి సంబంధించిన వీడియోను అరుణాచల్ ప్రదేశ్ ముఖ్యమంత్రి పేమ ఖాండ ట్విట్టర్ తన ట్విట్టర్ ఖాతాలో షేర్ చేశారు. ‘దేఖో అప్నా దేశ్’ క్యాంపెయిన్లో భాగంగా ఆయన ఈ వీడియోను షేర్ చేశారు. ప్రస్తుతం ఈ వీడియో నెట్టింట వైరల్ అవుతోంది. ఇది చూసిన నెటిజన్లు ‘వావ్.. బ్యూటిఫుల్’ అంటూ కామెంట్లు పెడుతున్నారు.
మరిన్ని వీడియోస్ కోసం:
Videos
Young man – father: యువకుడి తొందరపాటుకి.. పాపం తండ్రి బలి.. నెట్టింట వైరల్ అవుతున్న వీడియో..