ప్రయాణికుడిపై ఎయిరిండియా పైలట్‌ పిడిగుద్దులు.. కారణం

ఎయిరిండియా కు చెందిన పైలట్‌ తనపై దాడి చేసినట్లు స్పైస్‌జెట్‌ విమాన ప్రయాణికుడు అంకిత్‌ దివాన్‌ ఆరోపించారు . ఈ ఘటనపై ఎయిరిండియా స్పందించింది. పైలట్‌ను విధుల నుంచి తొలగించినట్లు ప్రకటించింది. ఢిల్లీ విమానాశ్రయంలోని టెర్మినల్‌ 1లో ఈ ఘటన జరిగింది. అంకిత్‌ పోస్టు ప్రకారం.. నాలుగు నెలల కుమార్తెతో సహా కుటుంబంతో కలిసి స్పైస్‌జెట్‌ లో ప్రయాణించేందుకు ఢిల్లీ ఎయిర్‌పోర్టుకు వచ్చినట్లు చెప్పారు. సిబ్బంది ఉపయోగించే సెక్యూరిటీ చెక్‌-ఇన్‌ లైన్‌లో వెళ్లాలని తనకు అక్కడున్నవారు సూచించారనీ తాము ఉన్న క్యూలోకి కొందరు మధ్యలో దూరిపోవడంతో.. వారిని ప్రశ్నించాననీ రాసుకొచ్చారు. ఎయిరిండియా పైలట్‌ వీరేందర్‌ కూడా అలాగే చేయడంతో.. అతడిని కూడా ప్రశ్నించాననీ అన్నారు. ఈ క్రమంలో అతడు తన పై దుర్భాషలాడాడనీ అనంతరం తమ మధ్య వాగ్వాదం జరిగిందనీ సంయమనం కోల్పోయిన పైలట్‌ తన పై భౌతిక దాడి చేసాడని ఆరోపించారు. ఈ పోస్టుకు రక్తపు మరకలతో ఉన్న తన ముఖాన్ని ఫోటో తీసి దానిని అంకిత్‌ షేర్‌ చేసారు. పైలట్‌ చొక్కాపై ఉన్న రక్తపు మరకలు కూడా తనవేనని తెలిపారు. తన ఏడేళ్ల కుమార్తె ఈ ఘటనతో చాలా భయపడిందని తెలిపారు. ఈ సందర్భంగా జరిగిన ఘటన ఇక్కడితో వదిలేసేలా ఓ లేఖ రాయాలంటూ తనపై ఒత్తిడి తెచ్చారన్నారు. దీనికి ఢిల్లీ పోలీసులను ట్యాగ్‌ చేశారు. ఘటనపై ఎయిరిండియా ఎక్స్‌ప్రెస్‌ స్పందించింది. పైలట్‌ ప్రవర్తనను ఖండిస్తున్నట్లు తెలిపింది. సంబంధిత ఉద్యోగిని తక్షణమే విధుల నుంచి తొలగించినట్లు తెలిపింది. ఈ ఘటనపై దర్యాప్తు తర్వాత అతడిపై తగిన చర్యలు తీసుకుంటామని తెలిపింది. తమ సంస్థ ఉద్యోగులు ఎప్పుడూ బాధ్యతాయుతంగా ఉండేలా చూసేందుకు కట్టుబడి ఉన్నట్లు చెప్పింది.

మరిన్ని వీడియోల కోసం ఇక్కడ క్లిక్ చేయండి

Also Watch:

ఇలా అయిపోతున్నారేంట్రా.. హైవేపై బ్రిడ్జికి వేలాడుతూ పుల్‌అప్స్‌.. అక్కడ నుండి..

Boyapati Sreenu: ట్రోల్స్ పై బోయపాటి రియాక్షన్.. ఆల్రెడీ హమ్‌నే కాషన్ కీయ