భారీ ఆఫర్‌ ప్రకటించిన బట్టలషాపు..చుక్కలు చూపించిన కస్టమర్స్‌ వీడియో

కొత్తబట్టలంటే యువతకు ఎంత ఇష్టమో చెప్పనక్కర్లేదు. నెలలో ఓ నాలుగు కొత్త డ్రస్సులైనా కొనాలనుకుంటారు. కానీ బడ్జెట్‌ గుర్తుకొచ్చి ఆగిపోతారు. అలాంటివారికి రూపాయికే బ్రాండెడ్‌ డ్రస్‌ వస్తుంది అంటే ఆగుతారా.. సైదాబాద్ సింగరేణి కాలనీ ప్రధాన రోడ్డుపై ఓ బట్టల షాపు ప్రారంభించి సంవత్సరం ముగిసింది. ఈ క్రమంలో తన షో రూం ప్రమోట్ చేసుకోవటానికి.. మార్కెటింగ్ స్టంట్‌లో భాగంగా ఓ పెద్ద ఆఫర్ పెట్టాడు ఆ షాపు యజమాని. కేవలం రూపాయికే డ్రెస్ అని ప్రకటించారు. ఈ విషయం తెలియగానే పెద్ద ఎత్తున యువకులు ఆ షాపు వద్దకు పోటెత్తారు. అక్కడితో ఆగలేదు.. షాపులోకి దూసుకెళ్లి సిబ్బందికి చుక్కలు చూపించారు. ఎవరికి దొరికినవి వారు చుట్టబెట్టుకుని బయటకు వచ్చారు. బయట ఉన్నవాళ్లు చూస్తూ ఊరుకుంటారా.. అలా షాపులోంచి బట్టలు తీసుకొని బయటకు వచ్చిన వారి చేతుల్లోంచి అందరూ తలోటీ లాగేసుకున్నారు. అంత కష్టపడి లోపలినుంచి తెచ్చుకున్నవాళ్లు నోరెళ్లబెట్టి చూస్తుండిపోయారు. మరికొంతమంది తోసుకుని మరీ షోరూమ్‌లోకి వెళ్లడానికి ప్రయత్నించారు. వాళ్లను అదుపుచేయడం వారి తరం కాలేదు. దాంతో పోలీసులకు ఫోన్ చేసి విషయం చెప్పారు. వెంటనే అక్కడికి చేరుకున్న పోలీసులుకు కూడా అక్కడి పరిస్థితిని చూసి చేతులెత్తేసారు. చేసేది లేక అతి కష్టం మీద సిబ్బంది దుకాణం మూసివేశారు. దీంతో యువకులు వెనుదిరిగారు.

మరిన్ని వీడియోల కోసం 

భార్య వేధింపుల కన్నా మరణమే మేలనుకున్నాడు..అందుకే ఇలా..వీడియో

వేసిన సీల్‌ వేసినట్లే ఉంటుంది..ఎలా కల్తీ చేస్తున్నారో చూసి పోలీసులే షాక్‌

పాపం.. ఈ పెళ్లికొడుకు కష్టం ఎవరికీ రాకూడదు వీడియో

కన్నవారిని, కోట్ల ఆస్తిని కాదనుకుని ఈ అమ్మాయి చూడండి ఏం చేసిందో వీడియో