లంచగొండులకు తగిన గుణపాఠం.. వాళ్ళతో పోలుస్తూ.. వినూత్న ర్యాలీ

లంచాలు తీసుకునే అవినీతి అధికారులను బిచ్చగాళ్ళతో పోల్చుతూ హనుమకొండలో వినూత్న ర్యాలీని నిర్వహించారు. నగరంలోని బెగ్గర్స్ అందర్నీ ఒక్కచోటికి చేర్చి వారితో అవినీతి అధికారులకు కనువిప్పు కలిగేలా వినూత్న ప్రదర్శన చేపట్టారు. జ్వాలా స్వచ్ఛంద సంస్థ ఆధ్వర్యం లో చేపట్టిన ఈ ప్రదర్శన ప్రతీ ఒక్కరిని ఆలోచింపచేసింది. కొందరు ప్రభుత్వ అధికారుల అవినీతికి అంతు లేకుండా పోతోంది. అవినీతి నిరోధక శాఖ ఎన్ని చర్యలు తీసుకుంటున్నా..లంచగొండులు మారడం లేదు. కొన్ని ప్రభుత్వ కార్యాలయాల్లో చేయి తడపందే ఏ పనీ కాని పరిస్థితులు నెలకొన్నాయి. గడిచిన ఏడాది వ్యవధిలో ఉమ్మడి వరంగల్ జిల్లా వ్యాప్తంగా 19 మంది ప్రభుత్వ అధికారులు ఏసీబీకి చిక్కారు. వీరిలో అడిషనల్ కలెక్టర్ స్థాయి అధికారి కూడా ఉన్నారు. వాళ్ల లెవల్ కు తగ్గట్టు లంచాలు తీసుకుంటూ అడ్డంగా బుక్కై కటకటాల పాలయ్యారు. వాళ్ల ఇళ్లలో సోదాలు చేస్తే వివిధ రూపాల్లో ఉన్న కోట్లాది రూపాయల ఆస్తులు, కరెన్సీ కట్టలు లభ్యమయ్యాయి. తాజాగా హనుమకొండ అడిషనల్ కలెక్టర్ ఇంట్లో బయటపడ్డ డబ్బుల కట్టలు.. జనాన్ని నివ్వెరపోయేలా చేశాయి. అందుకే అవినీతి వ్యతిరేక దినోత్సవం సందర్భంగా.. జ్వాలా స్వచ్ఛంద సంస్థ.. ఒక వినూత్న ప్రదర్శనకు శ్రీకారం చుట్టింది. లంచాలు తీసుకునే అవినీతి అధికారుల కంటే పొట్ట కూటి కోసం బిచ్చం ఎత్తుకునే బిచ్చగాళ్ళు ఎంతో మేలని పిలుపునిస్తూ వినూత్న ప్రదర్శన చేపట్టారు. హనుమకొండ నగరంలో చేపట్టిన ఈ డిఫరెంట్ ర్యాలీని.. జనమంతా ఆసక్తిగా తిలకించారు. అవినీతిపరులకు కనువిప్పు కలిగేలా.. ఈ వినూత్న ర్యాలీ ఉందని జనం చర్చించుకున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

డ్రీమర్స్‌కు గ్రీన్‌కార్డు! చిన్న పిల్లలుగా వలస వెళ్లిన వారికి శుభవార్త!

తల్లి పక్కన నిద్రిస్తున్న శిశువు.. లాక్కెళ్లిన తోడేలు