లాటరీలో వచ్చిన రూ.30 కోట్లు ప్రియురాలి అకౌంట్లో వేశాడు.. మరుక్షణం ఆమె

ఆ లాటరీలో అతనికి జాక్‌పాట్‌ తగిలింది. అందులో అతనికి 5 మిలియన్ల కెనడియన్‌ డాలర్లు, అంటే ఇండియన్‌ కరెన్సీలో సుమారు రూ. 30 కోట్లు లాటరీలో వచ్చింది. తనకు బ్యాంక్‌ అకౌంట్‌ లేకపోవడంతో తన గర్ల్‌ఫ్రెండ్‌ మెక్కే అకౌంట్లో ఆ డబ్బు జమ చేశాడు. అంతా బాగానే అనిపించింది. ఆ జంట షాపర్స్ డ్రగ్ మార్ట్‌లో విజయాన్ని ధృవీకరించే వీడియో కూడా సోషల్‌ మీడియాలో పోస్ట్‌ చేసింది. భారీమొత్తంతో కూడిన ఆ చెక్కుతో ఫోటోలకు పోజులు కూడా ఇచ్చారు. మెక్కే ఈ ఫోటోల్లో పెద్దగా ఉత్సాహంగా కనిపించనప్పటికీ, ఈ విజయాన్ని మిస్టర్ కాంప్‌బెల్ ఆమెకు ఇచ్చిన పుట్టినరోజు బహుమతిగా బహిరంగంగా ప్రకటించాడు. ఆ డబ్బు అకౌంట్లో పడిన తర్వాత మెక్కే మరో వ్యక్తితో పారిపోయింది. దీంతో లారెన్స్ కాంప్‌బెల్ ఆమెపై కోర్టులో కేసు వేశాడు. డబ్బు అకౌంట్లో పడిన తర్వాత మెక్కే అదృశ్యమైందని కాంప్బెల్ కోర్టుకు వెల్లడించాడు. ఆమె తాము ఉంటున్న హోటల్ గదికి తిరిగి రాలేదని, తన ఫోన్‌ను లిప్ట్‌ చేయడం లేదని, తనను సోషల్‌ మీడియాలో కూడా అన్ని చోట్లా బ్లాక్‌ చేసిందని ఫిర్యాదులో పేర్కొన్నాడు. ఆమె కోసం వెతగ్గా.. చివరికి ఆమె ఓ హోటల్‌లో మరో వ్యక్తితో కనిపించిందని తెలిపాడు. ఈ సందర్భంగా క్యాంప్‌బెల్ తరపు న్యాయవాది.. కోర్టులో ఆమె అతన్ని మోసం చేసిందని, అతను ఫోన్‌ చేసినా అతనికి ఎలాంటి సమాధానం ఇవ్వలేదని, అంతేకాకుండా ఆమె తన సోషల్ మీడియా ఖాతాలన్నిటిలో క్యాంప్‌బెల్‌ను బ్లాక్ చేసిందని అన్నారు. మరి ఈ కేసులో క్యాంప్‌బెల్‌కు కోర్టు ఎలా న్యాయం చేస్తుందో వేచి చూడాలి.

మరిన్ని వీడియోల కోసం ఇక్కడ క్లిక్ చేయండి

Also Watch:

ఈ యువకుడి ఐడియాను మెచ్చుకోకుండా ఉండలేరు..

పాములను పట్టి అడవిలో వదులుదామని వెళ్లిన స్నేక్‌ క్యాచర్‌కు ఊహించని షాక్‌

బ్యాగుల్లో అరుదైన పాములు.. ఎయిర్‌ పోర్ట్‌ లో ల్యాండ్‌ అవగానే