ఈ యువకుడి ఐడియాను మెచ్చుకోకుండా ఉండలేరు..

తాజాగా ఓ యువకుడు తన సైకిలను అద్భుతమైన మోటారు బైక్‌గా మార్చేశాడు. ఈ వీడియో చూసిన నెటిజన్లు అవాక్కవుతున్నారు. అతని ఐడియాను మెచ్చుకుంటూ కామెంట్లు చేస్తున్నారు. ఓ వ్యక్తి మోటార్ సహాయంతో సైకిల్‌ను 65 కి.మీ మైలేజీ ఇచ్చే బైక్‌గా మార్చేశాడు. ఈ సైకిల్‌ను తయారు చేయడానికి, ఆ వ్యక్తి తన సైకిలు ముందు చక్రానికి ఓ స్టాండ్‌ లాంటిది అమర్చాడు. దానిపైన ఇంట్లో అదనంగా పడి ఉన్న ఓ మోటారును బిగించాడు. ఆ మోటారుకు పెట్రోలు ఉన్న ఒక డబ్బాను ట్యాంక్‌లాగా ఏర్పాటు చేశాడు. తర్వాత ఆ మోటారుకు, సైకిల్‌ హ్యాండిల్‌కు కనెక్ట్‌ చేశాడు. హ్యాండిల్‌ తిప్పగానే మోటారు ఆన్‌ అయి సైకిలు బైకులాగా ముందుకు వెళ్తోంది. అది ఏకంగా గంటకు 65 కి.మీ వేగంతో పరిగెడుతుందని ఆ వ్యక్తి చెబుతున్నాడు. ఇక తనకు బైక్‌ కొనుక్కోవాల్సిన అవసరం కూడా లేదంటున్నాడు. ఈ వీడియోను సోషల్‌ మీడియాలో పోస్ట్ చేయడంతో వైరల్‌గా మారింది. దీనిపై నెటిజన్లు రకరకాల కామెంట్లు చేశారు. ఈ జుగాడ్‌ చాలా బావుంది బ్రో అని ఒకరు, ఇది చూసాక మోటార్ సైకిల్ తయారీ కంపెనీలకు భయ పట్టుకుంటుందని మరొకరు కామెంట్‌ చేశారు.

మరిన్ని వీడియోల కోసం ఇక్కడ క్లిక్ చేయండి

Also Watch:

పాములను పట్టి అడవిలో వదులుదామని వెళ్లిన స్నేక్‌ క్యాచర్‌కు ఊహించని షాక్‌

బ్యాగుల్లో అరుదైన పాములు.. ఎయిర్‌ పోర్ట్‌ లో ల్యాండ్‌ అవగానే