రంగుల మిరపకాయలు .. క్యాప్సికం మాత్రం కాదండోయ్

సాధారణంగా చేలో పసుపు పచ్చని బంతి పూలు విరబూస్తే చూడ ముచ్చటగా ఉంటుంది కదా … మిరప చేను కోతకు వచ్చిన సమయంలో పండు మిరపకాయల్తో కొమ్మలు భారంగా ఒరిగితే వాటి ఎరుపు రంగు , చెట్టు, ఆకుల ఆకుపచ్చదనంతో మిరపతోటలు అందంగా కనిపిస్తాయి. మార్కెట్ లో కాప్సికం మిర్చి రకంలో ఇలా పసుపు , ఆకుపచ్చ , ఎరుపు రంగులు చూసుంటారు. కానీ సాధారణ మిరపలోనూ ప్రత్యేకంగా పసుపు రంగుతో పండే మిరప ఇపుడు ఇతర రైతులను సైతం ఆకట్టుకుంటోంది. గుంటూరు నుంచి తెచ్చిన యూవీ , నరింగా ఎఫ్ – 1 హైబ్రిడ్ చిల్లీ విత్తనాలను జల్లి ., అలా నారు వేసిన ఎకరం పసుపు మిరప చేనుకు రూ 1.15 లక్షల వరకు పెట్టుబడి పెట్టగా 25 క్వింటాళ్ళ దిగుబడి వచ్చినట్లుగా రైతు చెబుతున్నారు. గుంటూరు మార్కెట్ లో ఈ ఏడాది క్వింటా ధర రూ 40 వేలవరకు ఉండగా గత ఏడాది 60 వేల వరకు పలికిందన్నారు రైతులు. పసుపు రంగు మిరపను ప్రత్యేకంగా విదేశాలకు ఎగుమతి చేస్తున్నారు. ఆహారపదార్ధాల తయారీలో రంగు ప్రత్యేకంగా కనిపించేందుకు ఈ తరహా మిర్చిని వాడుతున్నారు. మరోవైపు స్నాక్స్ లో గార్నిష్ ఐటంగా కూడా ఈ మిర్చి వినియోగంలో వుంది.