సరదాగా రెస్టారెంట్కు వెళ్లిన జంట.. రాత్రికి రాత్రే
ఓ వ్యక్తి సాయత్రం సరదాగా భార్యతో కలిసి రెస్టారెంట్కు వెళ్లాడు. వెళ్తూ వెళ్తూ దారిలో అలవాటు ప్రకారం ఓ లాటరీ టికెట్ కొన్నాడు. అదే అతన్ని రాత్రికి రాత్రి కోటీశ్వరుడిని చేసేసింది. అంతే.. అదృష్టం ఏ టైమ్లో ఎలా మనవెంట వస్తుందో తెలీదు. ఈ ఘటన అమెరికాలోని న్యూజెర్సీలో జరిగింది. కేవలం 3 డాలర్లు, అంటే మన కరెన్సీలో సుమారు 257 రూపాయలు పెట్టి కొన్న టికెట్కు ఏకంగా 1.5 మిలియన్ డాలర్లు, అంటే దాదాపు రూ.12.86 కోట్ల జాక్పాట్ తగిలింది.
దీంతో ఆ దంపతుల ఆనందానికి హద్దులు లేకుండా పోయాయి. ఈ జంట భోజనం కోసం ఓ రెస్టారెంట్కు బయలుదేరింది. మార్గమధ్యంలో సరదాగా ఓ లాటరీ టికెట్ కొనుగోలు చేయాలని నిర్ణయించుకున్నారు. నిజానికి, టికెట్ కొనే విషయంలో వారిద్దరి మధ్య కాస్త భిన్నాభిప్రాయాలు వ్యక్తమయ్యాయని తెలిసింది. ఒకరు ఇక్కడే కొందామంటే, మరొకరు వేరే చోట చూద్దామనుకున్నారు. చివరకు, ఓసారి ప్రయత్నించి చూద్దామని ఇద్దరూ ఓ నిర్ణయానికి వచ్చి టికెట్ కొని స్క్రాచ్ చేశారు. అంతే, భారీ మొత్తంలో లాటరీ తగలడంతో వారు ఉబ్బితబ్బిబ్బయ్యారు. ఊహించని ఈ పరిణామానికి ఆశ్చర్యపోతూ ఆ జంట.. ఇది నిజంగా నమ్మశక్యం కాని అదృష్టం. ఈ గెలుపు మా జీవితాలనే మార్చేసింది. గతంలో బిల్లులు చెల్లించలేక తీవ్ర ఆర్థిక ఒత్తిడిని ఎదుర్కొనేవాళ్లం. ఇప్పుడు ఈ లాటరీ డబ్బుతో మా జీవితం ఎలాంటి ఆందోళన లేకుండా సాఫీగా సాగిపోతుంది అని సంతోషం వ్యక్తం చేశారు. ఈ లాటరీ మొత్తాన్ని ఒకేసారి కాకుండా, ఏటా కొంత మొత్తం చొప్పున 25 సంవత్సరాల పాటు విత్డ్రా చేసుకునేలా లాటరీ నిర్వాహకులతో వారు ఒప్పందం కుదుర్చుకున్నట్లు సమాచారం. ఈ సంఘటనతో వారి జీవితం ఒక్కసారిగా మలుపు తిరిగింది.
మరిన్ని వీడియోల కోసం ఇక్కడ క్లిక్ చేయండి
Also Watch:
విధి లిఖితం అంటే ఇదే కావచ్చు! ఒక్క రోజు తేడాతో ఈ స్టార్ హీరోల ఇళ్లలో తీవ్ర విషాదం
కనిపించింది కొద్దిసేపే అయినా.. కుర్రాళ్లను కనికట్టు చేసిందిగా..
చేసిన రచ్చ ఫలితం.. కల్పిక పై పోలీస్ కేస్