17 మంది నవజాత శిశువులకు ‘సిందూర్’ పేరు వీడియో

పెహల్గాం ముగ్ర దాడిలో పలువురు మహిళలు తమ భర్తలను పోగొట్టుకొని పసుపు కుంకుమలను కోల్పోయారని ఆపరేషన్ సింధూర్ అందరినీ గర్వంగా తలెత్తుకునేలా చేసిందని చెప్పారు. ఆ కారణంగానే తమ ఆడబిడ్డకు సింధూర్ పేరు పెట్టుకున్నామని అన్నారు. కాగా సింధూర్ పేరు తమకు ఎంతో స్ఫూర్తిని ఇచ్చిందని ఆమె భర్త అజిత్ షాహి తెలిపారు. షడ్రౌనా ఏరియాలోని మదన్ గుప్తా కుటుంబ సభ్యులు కూడా ఇదే సెంటిమెంట్‌ను వ్యక్తం చేశారు. గుప్తా కోడలు కాజల్ గుప్తా కొత్తగా పుట్టిన తన ఆడ శిశువుకు సింధూర్ పేరు పెట్టుకుంది. పెహల్గాం ముగ్ర దాడికి ప్రతిగా ఆపరేషన్ సింధూర్ మొదలైనప్పటి నుంచి తనకు పుట్టబోయే శిశువుకు సింధూర్ పేరు పెట్టాలని తన కోడలు నిర్ణయం తీసుకున్నట్లు మదన్ గుప్తా అన్నారు. ఈ పేరుతో ఆపరేషన్ సింధూర్ ఎప్పటికీ తమకు గుర్తుండిపోతుందని అందరూ గర్వించే క్షణాలుగా తాము ఆ సందర్భాన్ని సెలబ్రేట్ చేసుకుంటామని చెప్పారు. తనకు పుట్టిన ఆడ శిశువుకు సింధూర్ పేరు పెట్టుకోవడం గర్వకారణంగా భావిస్తున్నట్లు భతాహి బాబు గ్రామానికి చెందిన మరో మహిళ తెలిపింది. సింధూర్ పెరిగి పెద్దయిన తర్వాత తన పేరుకు అర్థం తెలుసుకొని భారతమాతకు పేరు తెస్తుందని ఆశిస్తున్నట్లు ఆమె చెప్పింది. ఆపరేషన్ సింధూర్‌కు గౌరవ సూచకంగా తన శిశువుకు సింధూర్ పేరు పెట్టుకున్నట్లు షడ్రౌనా ప్రాంతానికి చెందిన ప్రియాంక దేవి కూడా తెలిపారు.