Video: భారీ వర్షం.. ఈదురు గాలులు.. చెర్లపల్లి టెర్మినల్‌లో ఎగిరిపడ్డ రేకులు!

తెలంగాణలో వాతావరణం ఎప్పుడు మారుతుందో చెప్పలేదని పరిస్థితి. అప్పటి వరకు ఎండలు.. సడెన్‌గా వర్షం కురుస్తోంది. ఈ రోజు కూడా పలు ప్రాంతాల్లో వర్షం కురిసింది. హైదరాబాద్‌లో పలు ప్రాంతాల్లో ఈదురు గాలులతో కూడిన వర్షం పడింది. చెర్లపల్లి టెర్మినల్‌లో పనులు జరుగుతున్న చోట ఈదురు గాలులకు రేకులు ఎగిరిపడ్డాయి. ఇటు ఉప్పల్‌ కుషాయిగూడలోనూ ఈదురు గాలులతో కూడిన వర్షం కురిసింది. నగరంలోని పలు ప్రాంతాల్లో మేఘాలు కమ్ముకున్నాయి. మల్కాజ్ గిరి, తార్నాక, ఉప్పల్, దిల్‌సుఖ్‌నగర్, ఎల్‌బీనగర్ లాంటి ప్రాంతాల్లో వర్షం కురిసింది.