గ్రూప్-1 రిజల్ట్స్.. ఎస్సీ స్టడీ సర్కిల్కి 30 ర్యాంకులు
తెలంగాణ పబ్లిక్ సర్వీస్ కమిషన్ విడుదల చేసిన గ్రూప్-1 ఫలితాల్లో ఎస్సీ స్టడీ సర్కిల్ విద్యార్థులు 30 ర్యాంకులు సాధించారు. డైరెక్టర్ నరసింహా రెడ్డి తెలిపిన వివరాల ప్రకారం, సంస్థ విద్యార్థులకు అన్ని వసతులు కల్పిస్తూ శిక్షణ ఇస్తుంది. పేద విద్యార్థులు సైతం లక్ష్యాలను చేరుకునేలా ప్రోత్సహిస్తున్నామని ఆయన అన్నారు.
తెలంగాణ పబ్లిక్ సర్వీస్ కమిషన్ (టీఎస్పీఎస్సీ) విడుదల చేసిన గ్రూప్-1 ఫలితాల్లో ఎస్సీ స్టడీ సర్కిల్ విద్యార్థులు అద్భుత విజయం సాధించారు. దాదాపు 30 మంది విద్యార్థులు ఫైనల్ జాబితాలో స్థానం సంపాదించారు. ఈ సందర్భంగా స్టడీ సర్కిల్ డైరెక్టర్ నరసింహా రెడ్డి మాట్లాడుతూ, తమ విద్యార్థులు డెప్యూటీ కలెక్టర్, డీఎస్పీ, మున్సిపల్ కమిషనర్ వంటి ఉన్నత స్థానాలకు ఎంపికయ్యారని తెలిపారు. ఎస్సీ స్టడీ సర్కిల్లో విద్యార్థులకు ఒక సంవత్సరం పాటు రెసిడెన్షియల్ కోచింగ్ ఇస్తామని, హాస్టల్, మెస్, లైబ్రరీ సౌకర్యాలు 24/7 అందుబాటులో ఉంటాయని ఆయన చెప్పారు. హైదరాబాద్లోని ఉత్తమ ఫ్యాకల్టీతో పాటు అవసరమైనప్పుడు ఢిల్లీ నుంచి కూడా నిపుణులను ఆహ్వానిస్తామని తెలిపారు. పేద కుటుంబాల నుంచి వచ్చిన విద్యార్థులే ఎక్కువగా ఇక్కడ శిక్షణ పొందుతున్నారని, తెలుగు మీడియంలో చదివిన వారు సైతం గ్రూప్-1 స్థాయికి చేరుకోవడం గర్వంగా ఉందని ఆయన అన్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
Lokesh Kanagaraj: కూలీతో అడ్డంగా బుక్ అయిపోయిన లోకేష్.. అందరికి టార్గెట్ అతడే
Kantara: ఎవరూ ఊహించని వివాదం లో కాంతార.. దానికి కారణం ఇదే
రికార్డ్ స్థాయిలో OG రిలీజ్.. వేచి చూస్తున్న కొత్త రికార్డులు