AI ఆస్పత్రి.. రోబోలే డాక్టర్లు, నర్సులు.. ఎక్కడంటే ??

ఈ ఆస్పత్రిలో డాక్టర్‌గా హుఆ అనే ఏఐ ఆధారిత వైద్యుడు, నర్సులుగా ఏఐ రోబోలు సేవలందిస్తాయి. ఈ వినూత్న ప్రయత్నం వైద్య చరిత్రలోనే ఒక అద్బుతం. ఇక ఈ ఆస్పత్రిలో ఉబ్బసం, గొంతునొప్పి వంటి 30 రకాల జబ్బులకు చికిత్స అందిస్తారు. రాన్రాను 50 వరకు వ్యాధులకు చికిత్స అందించేలా డిజైన్ చేయనున్నట్లు Synyi AI CEO Zhang Shaodian తెలిపారు. ఈ క్లినిక్‌కు వచ్చిన రోగులు తమ లక్షణాలను ఓ కంప్యూటర్ ట్యాబ్లెట్‌ ద్వారా వివరిస్తారు. తిరిగి రోగులను మరిన్ని ప్రశ్నలు అడుగుతుంది ఏఐ డాక్టర్‌. అనంతరం వాటిని విశ్లేషించి చికిత్స సూచనలు అందిస్తుంది. ఏ మందులు వేసుకోవాలో రాసిస్తుంది. ఈ విధానం రోగులకు కచ్చితమైన వైద్య సేవలను అందించడంలో సహాయపడుతుంది. ఇక ఏఐ కూడా పరిష్కరించలేని అత్యవసర కేసులను చూసేందుకు నిజమైన వైద్యులు కూడా ఈ క్లినిక్‌లో అందుబాటులో ఉంటారు. ఇది భవిష్యత్తులో వైద్య సేవల అందుబాటును పెంచడంలో, వైద్యులపై భారం తగ్గించడంలో ముఖ్యపాత్ర పోషించనుంది. ప్రస్తుతం పైలట్ ప్రోగ్రామ్‌గా ఈ క్లినిక్ ప్రారంభమైంది. దీని డేటా ఆధారంగా రాబోయే రోజుల్లో ఏఐ డాక్టర్ల సేవలు విస్తరించే అవకాశం ఉంది. ప్రస్తుత ట్రయల్‌కు ముందు నిర్వహించిన పరీక్షా దశలో, ఈ సాంకేతికతలో తప్పుల శాతం కేవలం 0.3 శాతంగా ఉందని సిన్యి ఏఐ పేర్కొంది.

మరిన్ని వీడియోల కోసం ఇక్కడ క్లిక్ చేయండి

Also Watch:

గాల్లో విమానం.. పైలట్‌ లేకుండా ప్రయాణం..

మీ చర్మ సౌందర్యాన్ని రెట్టింపు చేసుకోండి ఇలా

వామ్మో.. పెద్దపులి వచ్చింది.. శ్రీశైలం వెళ్లే భక్తులకు బిగ్ అలర్ట్..