దొంగను పట్టించిన ర్యాపిడో.. వీడియో వైరల్

Share

చార్మినార్‌ ఎక్స్‌ప్రెస్‌లో నవంబర్ 11 అర్థరాత్రి భారీ చోరీ జరిగింది. హైదరాబాద్‌ నుంచి నెల్లూరుకు ప్రయాణిస్తున్న బెంగుళూరుకు చెందిన కోదండరామిరెడ్డి బ్యాగ్‌ను గుర్తు తెలియని వ్యక్తి తీసుకుని పరారయ్యాడు. ఏసి బోగీలో అందరూ గాఢనిద్రలో ఉన్న సమయంలో జరిగిన ఈ చోరీని తొలుత ఎవరూ గమనించలేదు. అయితే నిద్ర మధ్యలో లగేజీని చెక్‌ చేసుకున్న కోదండరామిరెడ్డి గుండె గుభేలు మంది.. రూ. 48 లక్షల విలువచేసే బంగారు నగలు, విలువైన వస్తువులు ఉన్న బ్యాగు కనిపించకపోవడంతో లబోదిబోమంటూ ఒంగోలు దాటిన తరువాత నెల్లూరు జిల్లా కావలిలో రైల్వే అధికారులకు ఫిర్యాదు చేశారు. విచారణ చేపట్టిన రైల్వే పోలీసులు ఏసీ బోగీలో ఉన్న సిసి కెమెరాల ఆధారంగా చీరాల – ఒంగోలు మధ్య చోరీ జరిగిందని గ్రహించారు. సీసీ కెమెరాలో నిందితుడి కదలికలను గుర్తించి ఫోటోను అన్ని రైల్వే స్టేషన్లకు పంపించి సిబ్బందిని అప్రమత్తం చేశారు.