” ఇద్దరూ నా ప్రాణాలు తోడేస్తున్నారు” వీడియో

కింగ్డమ్ సినిమాతో తన అభిమానులకు నయా ఎక్స్‌పీరియన్స్ ఇచ్చిన విజయ్ దేవరకొండ ప్రస్తుతం రెండు ప్రాజెక్టులతో తీరిక లేకుండా గడుపుతున్నారు. లొకేషన్లు మారుస్తూ, అనుకున్న సమయానికి తన సినిమాలను విడుదల చేసేందుకు శ్రమిస్తున్నారు. ఈ క్రమంలోనే తన కష్టాన్ని అభిమానులకు తెలియజేస్తూ ఒక సోషల్ మీడియా పోస్ట్ పెట్టారు. ప్రస్తుతం విజయ్ దేవరకొండ దర్శకుడు రవికిరణ్ కోలా డైరెక్షన్లో రౌడీ జనార్ధన సినిమా చేస్తున్నారు. ఈ సినిమాతో పాటే, ట్యాక్సీవాలా దర్శకుడు రాహుల్ సంకృత్యన్ డైరెక్షన్లో మరో పీరియాడిక్ డ్రామాలో నటిస్తున్నారు. ఈ సినిమాలో హాలీవుడ్ యాక్టర్ ఆర్నాల్డ్ వోస్లు కూడా కీలక పాత్రలో కనిపించనున్నారు. ఈ రెండు సినిమాల షూటింగ్స్ లోనూ విజయ్ చురుగ్గా పాల్గొంటున్నారు.