Commission: కమిషన్‌ ఇవ్వలేదని రోడ్డు తవ్వించేసిన ఎమ్మెల్యే..? 5 శాతం కమిషన్‌ డిమాండ్‌..

ఉత్తర ప్రదేశ్‌లో విచిత్రమైన సంఘటన చోటుచేసుకుంది. కాంట్రాక్టర్‌ కమిషన్‌ ఇవ్వలేదని స్థానిక బేజేపీ ఎమ్మెల్యే అనుచరులు ఏకంగా వేసిన రోడ్డునే తవ్వేశారు. బుల్డోజర్‌లతో రోడ్డును తవ్వేశారు. ఈ ఘటన దేశవ్యాప్తంగా చర్చనీయాంశంగా మారింది. కాంట్రాక్టర్ ఫిర్యాదుతో పోలీసులు కేసు నమోదు చేసుకుని దర్యాప్తు చేపట్టారు. మరోవైపు, ఈ వ్యవహారాన్ని సీరియస్‌గా తీసుకున్న ముఖ్యమంత్రి యోగి ఆదిత్యనాథ్ రోడ్డు తవ్విన వారినుంచే ఆ నష్టాన్ని రికవరీ చేయాలని ఆదేశించారు. ఉత్తర్‌ప్రదేశ్‌లోని షాజహాన్‌పుర్‌- బుదౌన్‌ల మధ్య పీడబ్ల్యూడీ విభాగం ఇటీవల రోడ్డు నిర్మాణం చేపట్టింది. ఈ క్రమంలో.. స్థానిక బీజేపీ ఎమ్మెల్యే అనుచరులమని చెప్పి కొందరు దుండగులు సదరు కాంట్రాక్టరును 5 శాతం కమీషన్‌ ఇవ్వాలని డిమాండ్ చేశారు. అందుకు కాంట్రాక్టర్‌ నిరాకరించడంతో ఆగ్రహించిన ఆ దుండగులు.. రోడ్డు వేస్తున్న కార్మికులపై దాడి చేశారు. అక్కడితో ఆగకుండా అక్టోబర్‌ 2న బుల్డోజర్‌తో 3 కిలోమీటర్ల వరకు కొత్తగా నిర్మించిన రోడ్డును ధ్వంసం చేసినట్లు.. కాంట్రాక్టర్ పోలీసులకు ఇచ్చిన ఫిర్యాదులో పేర్కొన్నాడు. దీనిపై ఎఫ్‌ఐఆర్‌ నమోదు చేశామని.. నిందితులను అరెస్టు చేసేందుకు ప్రయత్నిస్తున్నామని పోలీసులు వెల్లడించారు. ఈ వ్యవహారం యూపీతోపాటు దేశవ్యాప్తంగా చర్చనీయాంశమయ్యింది. దీనిపై స్థానిక బీజేపీ ఎమ్మెల్యే వీర్‌ విక్రమ్‌ సింగ్‌ స్పందించారు. ఈ కేసులో నిందితుడు బీజేపీ కార్యకర్తే కానీ, తన అనుచరుడు కాదని తెలిపారు. అతడితో తనకు ఎటువంటి సంబంధం లేదన్నారు. ఈ విషయం ముఖ్యమంత్రి యోగీ ఆదిత్యనాథ్‌ దృష్టికి వెళ్లిందని.. రోడ్డు తవ్వేసిన వారినుంచే నష్టాన్ని రికవరీ చేయాలని ఆదేశించినట్లు ఉన్నతాధికారులు తెలిపారు.

మరిన్ని వీడియోస్ కోసం:
Videos

Allu Arjun: నేషనల్ అవార్డు విన్నర్స్.. ఈ అవార్డు ప్రైజ్‌ మనీ తెలిస్తే షాకవుతారు..!

Mahesh Babu: హాలీవుడ్‌ గడ్డపై మహేష్‌ దిమ్మతరిగే రికార్డ్‌.. సౌత్ లోనే ఒక్క మగాడిగా రికార్డు.

Viral Video: ప్రభుత్వ స్కూల్ టీచర్స్ ఓవర్ యాక్షన్.. నుదుట బొట్టు, తలలో పూలతో వచ్చారని శిక్ష..