Viral Video: మంత్రి మల్లారెడ్డి సార్ విన్యాసాలు మరో లెవల్‌కు

కష్టపడ్డా..  పాలమ్మిన.. పూలమ్మిన.. బోరె‌వెల్ నడిపినా అంటూ పంచ్‌ డైలాగ్స్ పేల్చే మంత్రి మల్లారెడ్డి.. ఎన్నికల సీజన్‌లో తన జోష్ చూపిస్తున్నారు. తాజాగా మేడ్చల్ మున్సిపాలిటీ పరిధిలోని 18వ వార్డులో వివిధ పార్టీలకు చెందిన మహిళలు మంత్రి మల్లారెడ్డి సమక్షంలో BRS తీర్థం పుచ్చుకున్నారు. ఆ సమయంలో మహిళలు అంతా.. కింద కూర్చుని ఉండగా మంత్రి సైతం వారితో కిందే ఆసీనులయ్యారు. ఈ  సమయంలో తెలంగాణకు, కేసీఆర్‌కు అనుకూలంగా ఓ వృద్ధురాలు నినాదాలు చేసింది. దీంతో ఆమెను ముందుకు పిలిచి ఒడిలో కూర్చోబెట్టుకొని ఫోటోకు స్టిల్స్ ఇచ్చారు. మంత్రి మల్లారెడ్డి చేసిన పని చూసిన అక్కడ వారంతా ఖంగుతిన్నారు. ప్రస్తుతం ఆ దృశ్యాలు వైరల్ అయ్యాయి. ఓట్ల కోసం మరీ ఇంతలా వృద్ధురాలిని మంత్రి ఇలా ఇబ్బంది పెడతాడా అంటూ పలువురు కామెంట్స్ చేస్తున్నారు.

మరిన్ని తెలంగాణ వార్తల కోసం ఇక్కడ క్లిక్ చేయండి..