చంద్రబాబు అరెస్టుకు ప్రతీకారం తీర్చుకుంటాం.. టీడీపీ ఎంపీ ఘాటు వ్యాఖ్యలు

టీడీపీ అధినేత చంద్రబాబు నాయుడి అరెస్టుపై విజయవాడ టీడీపీ ఎంపీ కేశినేని నాని ఘాటు వ్యాఖ్యలు చేశారు. చర్యకు ప్రతి చర్య తప్పదంటూ హెచ్చరించారు. వచ్చేది టీడీపీ ప్రభుత్వమేనన్న కేశినేని నాని.. చంద్రబాబు అరెస్టుకు తప్పకుండా ప్రతీకారం తీర్చుకుంటామని హెచ్చరించారు. స్కిల్ డెవలప్‌మెంట్ స్కామ్ కేసు పేరుతో చంద్రబాబు నాయుడిని అరెస్టు చేయడం ముమ్మాటికీ రాజకీయ కక్ష సాధింపు చర్యే అన్నారు. ఎలాంటి ఆధారాలు లేకుండా నోటీసులు ఎలా ఇస్తారు? కేసులు ఎలా పెడతారు? అని ప్రశ్నించారు. మొదట్లో అమరావతి భూముల స్కామ్‌ అన్నారని.. ఇప్పుడు స్కిల్‌ స్కామ్‌ అంటున్నారని ఎద్దేవా చేశారు. చంద్రబాబుపై అవినీతి మరక వేయాలనే తప్పుడు కేసులు పెడుతున్నారని కేశినేని నాని ఆగ్రహం వ్యక్తంచేశారు.

మరిన్ని ఏపీ వార్తలు చదవండి..