ఆ నాలుగు కారణాల వల్లే 99శాతం మందిలో గుండెపోటు
Updated on: Nov 17, 2025 | 12:35 PM
భారతదేశంలో గుండె జబ్బులు మరణాలకు ప్రధాన కారణమవుతున్నాయి. 2014-2019 మధ్య గుండెపోటులు 50% పెరిగాయి. పట్టణీకరణ, అనారోగ్యకరమైన జీవనశైలి, ఒత్తిడి, ధూమపానం, మధుమేహం వంటివి ముఖ్య కారణాలు. ఆరోగ్యకరమైన ఆహారం, క్రమం తప్పని వ్యాయామం, ధూమపానం మానేయడం, రెగ్యులర్ ఆరోగ్య పరీక్షలు గుండె జబ్బుల ప్రమాదాన్ని గణనీయంగా తగ్గిస్తాయి.
భారతదేశంలో అధిక మరణాలకు గుండె జబ్బులే ప్రధాన కారణంగా మారుతున్నాయి. 2014- 2019 మధ్య దేశంలో గుండెపోటుల సంఖ్య దాదాపు 50 శాతం పెరిగింది. పట్టణీకరణ, మారుతున్న జీవనశైలి, ఆహారపు అలవాట్లు సరిగా లేకపోవడం, ఒత్తిడి, ధూమపానం, మధుమేహం వంటి వ్యాధులు ప్రధాన కారణాలు. ఈ సమస్య ఆరోగ్యానికే పరిమితం కాకుండా, దేశ ఆర్థిక వ్యవస్థ, కుటుంబ స్థిరత్వం, పని విధానాన్ని కూడా ప్రభావితం చేస్తోందని నిపుణులు చెబుతున్నారు. ముఖ్యంగా గుండె జబ్బులకు నాలుగు ప్రధాన కారణాలు ఉన్నాయన్నారు. గుండెకు రక్త ప్రసరణ గడ్డకట్టడం లేదా గుండెకు దారితీసే ధమనులలో అడ్డంకులు ఏర్పడినప్పుడు గుండెపోటు వస్తుంది. ఇది గుండె కండరానికి ఆక్సిజన్ చేరకుండా నిరోధిస్తుంది. దీనివల్ల కణాలు తక్కువ సమయంలోనే చనిపోతాయి. సకాలంలో చికిత్స అందకపోతే, అది ప్రాణాంతకం కావచ్చు. చాలా సార్లు గుండెపోటు, స్ట్రోక్, హార్ట్ ఫెయిల్యూర్ వంటి సమస్యలు హఠాత్తుగా రావని ఆరోగ్య నిపుణులు చెబుతున్నారు.అధిక రక్తపోటు,కొలెస్ట్రాల్,మధుమేహం, ధూమపానం వంటి కారణంగా గుండెపోటు సమస్యలు తలెత్తుతాయని వైద్య నిపుణులు చెబుతున్నారు. చాలా మందికి మొదటిసారిగా గుండెపోటు అకస్మాత్తుగా రాకపోవచ్చు అని వైద్యులు తెలిపారు. అధిక రక్తపోటు, కొలెస్ట్రాల్, రక్తంలో చక్కెర లేదా డయాబెటిస్, ధూమపానం వంటి వాటివల్ల గుండెపోటు వచ్చే అవకాశం ఉంది. ఆరోగ్యకరమైన ఆహారం, క్రమం తప్పకుండా వ్యాయామం, వైద్య పరీక్షలు వంటివి గుండెపోటు ప్రమాదాన్ని గణనీయంగా తగ్గిస్తాయి. దీని కోసం మీ ఆహారంలో కొన్ని సర్దుబాట్లు చేసుకోవాలి. పండ్లు, ఆకుపచ్చ కూరగాయలు, తృణధాన్యాలు, ఆరోగ్యకరమైన కొవ్వులు వంటివి చేర్చుకోవాలి. అదనంగా, ప్రతిరోజూ కనీసం 30 నిమిషాల వాకింగ్ లేదా యోగాతో చిన్న చిన్న వ్యాయామం చేయండి. సాధ్యమైనంత వరకు ధూమపానం మానేయండి. పొగాకు మానేయడం వల్ల గుండె జబ్బుల ప్రమాదం వెంటనే తగ్గుతుంది. చాలా వరకు గుండెపోటు ఆ వ్యక్తి ఆరోగ్యాన్ని నిర్లక్ష్యం చేయడం వల్లే వచ్చే అవకాశముంది. ముఖ్యంగా 30 ఏళ్లు పైబడిన వారు లేదా గుండె జబ్బుల కుటుంబ చరిత్ర ఉన్నవారు క్రమం తప్పకుండా కొన్ని రకాల హెల్త్ టెస్టులు తప్పనిసరిగా చేయించుకోవాలని నిపుణులు సూచిస్తున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
సరదాలకు శనివారం .. ఫ్యామిలీకి ఆదివారం .. మారిన ట్రెండ్
నడకతో మతిమరుపు దూరం..! మరి రోజుకు ఎన్ని అడుగులు వేయాలి ??
Viral Video: ఇదేందిది.. ఇంటిపైన కొబ్బరిచెట్టా..! ఇలా కూడా పెంచుతారా !!
వందే భారత్ ప్రయాణికులకు బిగ్ అలర్ట్.. షెడ్యూల్లో భారీ మార్పులు
అద్దెకు 'భర్త'లు.. ఫుల్ ట్రెండ్ అవుతున్న వీడియో
సిక్కోలు తీరంలో భారీ తిమింగలం...ఆ తర్వాత జరిగిందంటే? వీడియో
వజ్రాల లాకెట్ను మింగేసిన దొంగ.. ఆ తర్వాత.. ?
పుతిన్ మెనూలో గోంగూర పచ్చడి, బాదం హల్వా వీడియో
స్మృతి వేలి ఉంగరం మిస్సింగ్ అభిమానుల అనుమానాలువీడియో
ఒక్క ప్యాడ్ ఇప్పించండి ప్లీజ్.. కూతురి కోసం తండ్రి ఆవేదన వీడియో
