డేట్లు మార్చుకుంటున్న టాప్‌ స్టార్స్‌

టాలీవుడ్ లో స్టార్ హీరోల సినిమాల విడుదల తేదీల సర్దుబాట్లు, మార్పులు సినీ వర్గాల్లో, ప్రేక్షకుల్లో గందరగోళాన్ని సృష్టిస్తున్నాయి. ఒక హీరో ప్లాన్ చేసుకున్న తేదీకి మరో హీరో సినిమా రావడానికి సిద్ధమవడంతో, ఏ సినిమా ఎప్పుడు ప్రేక్షకుల ముందుకు వస్తుందో స్పష్టత లేకుండా పోయింది. ముఖ్యంగా ఈ అడ్జస్ట్‌మెంట్స్ కారణంగా కొన్ని భారీ చిత్రాలు నెలల తరబడి వెనక్కి వెళ్ళిపోతున్నాయి. తాజాగా, ఉస్తాద్ భగత్ సింగ్ సినిమా హఠాత్తుగా రేసులోకి వచ్చింది. మొదట పెద్ది వాయిదా పడటంతో ఆ తేదీకి ఉస్తాద్ భగత్ సింగ్ను విడుదల చేయాలని మేకర్స్ నిర్ణయించారు. మార్చి 16న రావాల్సిన టాక్సిక్ పక్కకు జరగడంతో, మరింత ముందుగానే ఉస్తాద్ భగత్ సింగ్ను ఆ తేదీకి విడుదల చేశారు. ఇప్పటికే ఒకసారి వాయిదా పడిన పెద్ది ఏప్రిల్ 30కి వస్తుందనే ప్రచారం జరుగుతోంది, అయితే ఇది కూడా అనుమానమే. ఈ సినిమాను జూన్ 25న విడుదల చేయడానికి మేకర్స్ ప్లాన్ చేస్తున్నట్లు తెలుస్తోంది.