Jagapathi Babu: పాపం! జాన్వీని తిట్టొద్దు..ఆమె దర్శకుడు చెప్పిందే చేసింది

మెగా పవర్‌స్టార్ రామ్‌చరణ్ హీరోగా, బుచ్చిబాబు సన దర్శకత్వంలో భారీ అంచనాల మధ్య విడుదలైన చిత్రం ‘పెద్ది’. జూన్ 4న విడుదలైన ఈ సినిమా బాక్సాఫీస్ వద్ద భారీ వసూళ్లతో దూసుకుపోతోంది. కేవలం నాలుగు రోజుల్లోనే రూ.292 కోట్లకు పైగా వసూళ్లు రాబట్టి థియేటర్లలో సరికొత్త రికార్డులు క్రియేట్ చేస్తుంది. ఇందులో అప్పలసూరి పాత్రలో సీనియర్ నటుడు జగపతి బాబు అద్భుతమైన నటనతో ఆకట్టుకున్నారు. అయితే ఈ చిత్రంలో జాన్వీ కపూర్ కథానాయికగా నటించింది. కానీ ఈ మూవీ విడుదలయ్యాక ఆమె పాత్రపై నెటిజన్స్ పెదవి విరుస్తున్నారు. కేవలం గ్లామరస్ సీన్లు మాత్రమే ఉన్నాయని.. పాత్రకు ప్రాధాన్యత లేదని విమర్శిస్తున్నారు. జాన్వీని ట్రోల్ చేస్తున్నారు. ఈ క్రమంలోనే రీసెంట్‌గా ఓ ఇంటర్యూలో జాన్వీపై ట్రోల్ చేయడాన్ని జగపతి తప్పుబట్టారు. ఆమెకు మద్దతుగా మాట్లాడాడు. సినిమా విషయాల్లో నటీనటులను వ్యక్తిగతంగా టార్గెట్ చేస్తూ ట్రోల్ చేయవద్దని నెటిజన్లకు జగపతి సూచించాడు.’పాపం ఆ అమ్మాయి ఏం చేసింది? డైరెక్టర్‌ చెప్పిందే కదా చేసింది. ఆర్టిస్టుగా ఒక డైరెక్టర్ మాట వినాలి. మేం అందరం డైరెక్టర్ చెప్పింది చేస్తాం. ఆ అమ్మాయి కూడా దర్శకుడు ఏం చెబితే అది చేసింది.’ అని జగపతి చెప్పుకొచ్చాడు. కొన్నిసార్లు మనం అనుకున్నది స్క్రీన్‌పై మిస్‌ఫైర్ కావచ్చని.. అంతమాత్రానికే ఒక వ్యక్తిని మానసికంగా ఇబ్బంది పెట్టడం సరికాదని జగపతి అన్నాడు. ఈ విషయంలో తాను జాన్వీకపూర్‌కు పూర్తిగా సపోర్ట్ చేస్తున్నానంటూ తన సపోర్ట్‌ను తెలియజేశాడు జగపతిబాబు.

మరిన్ని వీడియోల కోసం ఇక్కడ క్లిక్ చేయండి

Also Watch:

Jagapathi Babu: ‘పరభాషా నటులతో పోల్చితే అనుకున్నంత గుర్తింపు రావడం లేదు

Peddi: దూసుకుపోతున్న ‘పెద్ది’కి.. అదే పెద్ద పరీక్ష