Bachhala Malli Review: హిట్టా.? ఫట్టా.? అల్లరి నరేష్ నటవిశ్వరూపం బచ్చల మల్లి లో చూసారా.!

బచ్చల మల్లి అలియాస్ అల్లరి నరేష్ చిన్నప్పటి నుంచి చాలా బాగా చదువుకుంటాడు. టెన్త్ క్లాస్ లో జిల్లా ఫస్ట్ కూడా వస్తాడు. దాంతో తండ్రి అందరికీ చెప్పుకొని మురిసిపోతాడు. కానీ అది జరిగిన కొన్ని రోజులకే చిన్న భార్య కోసం.. పెద్ద భార్యతో పాటు కొడుకు బచ్చల మల్లిని కూడా వదిలేసి వెళ్లిపోతాడు తండ్రి. దాంతో అప్పటి నుంచి పూర్తిగా మూర్ఖుడిగా మారిపోతాడు మల్లి. ఎవరు ఏం చెప్పినా వినడు.. తనను వదిలేసి వెళ్లిన వాళ్లను ఒక్క క్షణంలో ఆయన కూడా వదిలేస్తాడు. మందుకు, సిగరెట్ కు బానిస అవుతాడు.. అమ్మాయిల అలవాటు కూడా ఉంటుంది. అలాంటి మల్లి జీవితంలోకి కావేరి అలియాస్ అమృత అయ్యర్ వచ్చిన తర్వాత మార్పు మొదలవుతుంది. ఆమె కోసం అన్ని మానేస్తాడు బచ్చల మల్లి. కానీ తన మూర్ఖత్వంతో ప్రేమలో కూడా ఓడిపోతాడు.. ఆ తర్వాత ఏమైంది బచ్చల మళ్ళీ జీవితం ఎలా ముందుకెళ్ళింది.. మూర్ఖత్వం వదిలేసాడా లేదంటే అలాగే ముందుకు వెళ్లాడా అనేది ఈ సినిమా కథ..

జీవితం అన్నాక పట్టు విడుపులు ఉండాలి. ఎప్పుడూ ఒకేలా ఉంటాం.. మూర్ఖత్వంతో ముందుకు వెళతాం.. అంటే జీవితం సాఫీగా సాగదు. అందరినీ కలుపుకోవాలి.. అర్థం చేసుకోవాలి.. బచ్చల మల్లి అనే సినిమాతో దర్శకుడు సుబ్బు ప్రేక్షకులకు చెప్పాలి అనుకున్న కథ ఇదే. తీసుకున్న లైన్ అయితే బాగుంది కానీ చెప్పిన విధానం మాత్రం ఎక్కడో మిస్ కనెక్ట్ అయినట్టు అనిపించింది. ఈ సినిమా మొత్తం కేవలం బచ్చల మల్లి క్యారెక్టరైజేషన్ మీద వెళ్ళిపోతుంది. టైటిల్ కార్డు మొదలైన దగ్గర నుంచి ఎండ్ కార్డు పడే వరకు కేవలం మల్లి అనే క్యారెక్టర్ మాత్రమే కనిపిస్తుంది. దర్శకుడు కూడా దాని మీదే ఎక్కువగా ఫోకస్ చేశాడేమో.. అందుకే ఆ క్యారెక్టర్ అంత బాగా వచ్చింది.

నిజానికి ఈ సినిమాలో అన్ని ఎమోషన్స్ ఉన్నాయి. అద్భుతమైన ఫ్యామిలీ ఎమోషన్స్ కు తోడు.. లవ్ ట్రాక్ కూడా బాగానే రాసుకున్నాడు దర్శకుడు. కాకపోతే బచ్చల మల్లి సినిమాలో మెయిన్ కాన్ఫ్లిక్ట్ పాయింట్ తండ్రి, కొడుకుల మధ్య గొడవ. తండ్రి తీసుకున్న ఒకే ఒక నిర్ణయంతో 15 సంవత్సరాలు ఉన్న కుర్రాడు అంత మూర్ఖుడిగా మారిపోతాడు అని చూపించాడు డైరెక్టర్. కానీ ఆ తర్వాత కొడుకుకు కుటుంబానికి దూరమై ఆ తండ్రి పడే ఆవేదనను చాలా బాగా చూపించాడు.. అయితే మీ ఇద్దరి మధ్య ఎమోషనల్ సన్నివేశాలు ఇంకాస్త బలంగా ఉండుంటే సినిమా మరింత పదునెక్కేది. ఎంతసేపు హీరో మూర్ఖత్వంగా ముందుకెళ్లడం మాత్రమే ప్రతి సీన్లో చూపించాడు దర్శకుడు. ఈ సినిమా కథ మూడు దశల్లో జరుగుతుంది. వాటిపై ఎలాంటి కన్ఫ్యూజన్ లేకుండా స్క్రీన్ ప్లే రాసుకున్నాడు సుబ్బు. ముఖ్యంగా హీరోయిన్ ట్రాక్ ఉన్నప్పుడు ఆకట్టుకుంటుంది. ఇంటర్వెల్ ట్విస్ట్ కూడా బాగానే ఇచ్చాడు. ఫస్ట్ ఆఫ్ తో పోలిస్తే సెకండాఫ్ కాస్త ల్యాగ్ అయినట్టు అనిపిస్తుంది. రావు రమేష్, అల్లరి నరేష్ మధ్య ఇంకొన్ని సన్నివేశాలు ఉండుంటే సినిమాకు ప్లస్ అయ్యేదేమో. క్లైమాక్స్ లో ఊహించినట్టుగానే బచ్చల మల్లి జీవితం అవుతుంది. ఓవరాల్ గా ఒక వ్యక్తి జీవితాన్ని సినిమాలో చూపించే ప్రయత్నం చేశాడు దర్శకుడు.

అల్లరి నరేష్ ఈ క్యారెక్టర్ కు ప్రాణం పోసాడు. బచ్చల మల్లి అనే పాత్ర కోసం తనను తాను చాలా మార్చుకున్నాడు నరేష్. ఈ సినిమా కేవలం ఆయన కోసం చూడొచ్చు అంటే అతిశక్తి కాదు. అమృత అయ్యర్ కూడా చాలా బాగా చేశారు. రావు రమేష్, అచ్యుత్ కుమార్ క్యారెక్టర్స్ బాగున్నాయి. హరితేజ మరో కీలకపాత్రలో బాగా నటించింది. మిగిలిన వాళ్ళందరూ తమ తమ పాత్రలకు న్యాయం చేశారు..

ఈ సినిమాకు మేజర్ ప్లస్ పాయింట్ విశాల్ చంద్రశేఖర్ సంగీతం. ముఖ్యంగా నిలబడి నిద్ర పడుతుందని అనే పాట చాలా బాగుంది. మిగిలిన పాటలు కూడా సందర్భానుసారంగా ఆకట్టుకుంటాయి. రిచర్డ్ సినిమాటోగ్రఫీ బాగుంది. చోటా కే ప్రసాద్ ఎడిటింగ్ చాలా వరకు షార్ప్ గా ఉంది. ఇక దర్శకుడు సుబ్బు తను చెప్పాలనుకున్న ఒక జీవిత కథను స్క్రీన్ మీద చూపించాడు. ఎక్కడ డివియేట్ కాకుండా అనుకున్నది అనుకున్నట్టు చూపించాడు. అయితే క్యారెక్టర్జేషన్ పరంగా బచ్చల మల్లి అదిరిపోయాడు. కానీ సినిమా పరంగా మాత్రం ఎక్కడో ఇన్ కంప్లీట్ ఫీలింగ్ వస్తుంది. ఓవరాల్ గా చెప్పాలంటే.. బచ్చల మల్లి.. ఒక మూర్ఖుడి కథ..

మరిన్ని వీడియోస్ కోసం:
Videos

Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!

Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!

Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.